دڵشادی عومه‌رکاکی    

به‌يانيه‌کانی سه‌فه‌ر                                             

شه‌وه‌ياقوتيه‌کانی تۆ                                            

ده‌نێمه‌ نێو جانتاکه‌مه‌وه‌                                           

ته‌نيايم تۆ به‌جێده‌هێڵێ و..                                     

ته‌نيايم گه‌ڕانه‌وه‌يه‌ بۆلای تۆ.                                   

****          ****                                     

له‌فڕۆکه‌خانه‌کاندا..                                              

ده‌بمه‌ عاشق و ده‌فڕم،،                                            

له ‌وێستگه‌ی شه‌مه‌نده‌فه‌ره‌کاندا،،                                  

دڵدارێکی چاوه‌ڕوانم..چاوه‌ڕوان                                   

له‌ ته‌رميناڵ و گه‌راجه‌کاندا                                         

ده‌بمه‌ گه‌ريده‌ی خۆشه‌ويستيی..                                    

بێ ئۆقره‌ به‌ديار جانتاکه‌مه‌وه‌،،                                  

سه‌فه‌ر ده‌که‌م                                                   

****          ****                                     

له‌ په‌نجه‌ره‌کانی سه‌فه‌ره‌وه‌                                      

ته‌ماشاده‌که‌م                                                   

ته‌ماشای تۆ به‌جێ هێشتن و..                                   

گه‌ڕانه‌وه‌ بۆلای تــــــۆ                                           

****          ****                                  

دور ده‌که‌ومه‌وه‌ ..                                               

به‌قه‌د فڕينی فڕۆکه‌کان                                         

به‌نێو هه‌ر و به‌سه‌ر..                                          

نه‌خشه‌کانی جيهاندا                                         

به‌قه‌د لادان و هێڵ و..                                      

تونێلی شه‌مه‌نده‌فه‌ره‌کان                                      

به‌قه‌د شار و..ده‌شت و..کێو و                                  

بيابانه‌کانی ڕێگا،،                                        

دوور ده‌که‌ومه‌وه‌                                            

من و جانتاکه‌م                                                

پڕن له‌ يادگاريی تـــۆ و..                                    

دوور ده‌که‌ومه‌وه‌ له‌ تۆ و..                                   

سه‌فه‌رێ بۆلای تۆ ده‌که‌م.                                 

****          ****