په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

     سه‌فه‌ر و کۆتایی ڕێگا.

شوان حه‌سه‌ن

که‌ ده‌ڕۆیشتین ڕێگام ده‌خوێنده‌وه‌
بۆنی باران و نانی لێده‌هات
هه‌زاران پێ کوتابوویان
گه‌ر باران نه‌بێ
‌هیچ لاپه‌ڕه‌یه‌کی ڕێگات پێ هه‌لنادرێته‌وه‌
شوێن پێیه‌کان یه‌کتر بزرده‌که‌ن
*****
ڕووناکی سێبه‌ری هه‌نگاوه‌کانمی ده‌کوژانده‌وه‌
به‌ر له‌وه‌ی تۆ ماچ بکه‌م
شوێنه‌وارم جێ نه‌ده‌هێشت
که‌ وێڵی
ڕێگای دۆزیه‌وه‌
هێنده‌ هیلاک ببوو
قوچه‌کێکی کردو خه‌وت
*****
دره‌ختێک بۆ قومێک ئاو ده‌چه‌مایه‌وه‌
سه‌ر ڕێگا
سێبه‌ریش که‌سکایی ده‌دزی و
به‌ شه‌ویش له‌ سه‌ر گازه‌ره‌ی پشت
لێی ڕاده‌کشا
*****
هه‌موو به‌یانیه‌ک ڕێگا
پۆستی بۆ ئه‌و مالانه‌ ده‌برد
که‌ ناونیشانیان به‌ جێ هێشتبوو
ئه‌وانیش ده‌ستیان ده‌گرتوو
له‌ جۆگه‌له‌کان ده‌یان په‌ڕانده‌وه‌
*****
ئه‌وانه‌ی له‌ سه‌ر ڕێگا
ده‌مرن
له‌ دلۆپه‌کانی سه‌رابا ده‌بن به‌ناونیشان
له‌ مرۆڤ بوونا ده‌بن به‌کرم
*****
١٠٣٥گوڵه‌به‌ڕۆژه‌ی له‌ په‌رچه‌می ڕێگادابوو
قاندرمه‌ی خستبووه‌ ژێر تیشکی ڕۆژ
قریوه‌یی بۆ جوانی لێ ده‌دا
ده‌بینن چۆن بۆ یه‌ک ده‌چه‌مێنه‌وه‌و
تێک ده‌ئاڵێن
ئێستاتیکا به‌ فێنکی گیرفانه‌کانی پڕ له‌ گوڵه‌به‌ڕۆژه‌ ده‌کردو
به‌ده‌م ئاوابوونا ده‌یقرتاند
*****
له‌ ساڵ یادی له‌ دایک بوونی زه‌وی
ساماڵی زیوین
قژی ڕێگاکانی تاڵ تاڵ ڕه‌نگ ده‌کرد
*****
ڕێگا پڕ ده‌بوو
له‌گه‌نم و ئاو
که‌ قیڕ هات
قاچی چۆله‌که‌کانی داغ کرد
له‌و ڕۆژه‌وه‌
ڕێگا مرد
خۆر چیتر
ملوانکه‌و
بازنه‌ی وه‌ک دیاری
بۆ زه‌وی نه‌نارد.

 

shwanhassan@hotmail.com