سێ کورتیله‌ چیڕۆک.

سروشت عومەر مەعروف

لەسووچێکى عەرەبانەکەوە هەڵتروشکابوو.چاوەخورماییەکانى لەدێڕەکانى

کتێبەکەى سەر ڕانى گیرکردبوو،پاڵتۆیەکى کەوەى کۆنى کردبوەبەرى. تیسکەکانى

کورت ودرێژ بەشێوەیەکى ناڕێک هاتبوونەخوارەوە.

ـــ ئاهەستە ڕووناک ئەم پیاڵانە بشۆ.

مێرد منداڵەکە بەم ڕستەیە لەخوێندنەوەى وانەکەى خست.

ئەویش بەرزەپێ هەستاو

پڕى بەپیاڵەکانداکرد،لەو لەگەنەى لەبەردەم بەرمیلێکى بچوکدا .کەئاوى گەرمى تێدابوو.بەدەستەخرپنەکانى کەوتەشۆردنیان. ئەمەى بەکاکى گووت:

کاکە شوکور ئەمڕۆ موشتەریمان زۆرە،تائێوارێ دەست کەوتێکى باشمان دەبێت.

کاکیشى خەریکى پەمپ تێکردنى پەرەمێزى کتریەچاکەبوو، دەى وەختى قسەنیە

زووکە ووریابە پیاڵەیەک نەشکێنى. بارانەکە بەتاو دەبارى گەر چەرداخى سەر ئەو دوکانە داخراوە نەبوایە کە لەبەردەمیدا وەستابوون.. ناچاربوون ئەوڕۆژیش نەکەن . ئابچکۆل چایەکى خەستمان بدەرێ.کابرایەکى کەلەزلى ڕەشتاڵە ئەمەى بەمێرد منداڵەکە گووت. ئەمیش خەریکى شەکرتێکردنى پیاڵەکان بوو،وەک

ئەم دەنگەى لەلائاشنا بێت .سەریکى هەڵبڕى حەپەسا!! چاوەکونەدەرزیەکانى زیاتر کرانەوە.کابرا ئەم جارەیان قایم تر داواى چایەکى لێکردەوە.

بۆگۆج بوویت خێرا تێیکە . ڕووناک بەفریاى کەوت وچاکەى بۆتێکرد.

بەدوو قوم هەڵى قوڕاندو،دینارێکى بۆهەڵداو گوم بوو. میردمنداڵەکە تائەو کاتەش نەهاتبۆوە

سەرخۆى،بەماتیەکەوە بەخوشکەکەى وووت: ئەزانى ئەوە کێبوو؟

ئەویش بەترسێکەوەووتى؟!

چوزانم بۆچى کاکە؟!

سەیرێکى خوشکەکەى کردەوەولەوساتەشدا ئەشک ڕێگاى خۆى دۆزیبۆەگووتى:

ئەو وورگنە حیزەبوو کەپار باوکمانى کردبەژێر ماشینەکەیەوە.

*****************************

لەم دیو پەنچەرەکەوە دوومناڵەکەى کردبویانە

قاوقیژ .کاتێ دەتڕوانى پڕوشەى بەفر ئەیدا لەودیوى پەنچەرەکە سەروقژى دار هەنجیرەکەیانى سپى دەکرد.

هاواریان دەکرد دایکە ئەبێت بەیانى شێرەبەفرینەمان بۆدروست بکەیت .تێر تێریش شەڕە تۆپەڵ

بکەین؟ ئەمیش لەداڵغەیەکى قوڵدادەژیا لەمێشکیا

ئەیهێناو ئەیبرد؟( ئاخۆ ئێستا چەند سەرماى بێت .وابڕوات بەفر داى دەپۆشێت).کەبەیانى ڕۆژ بۆوە دنیا لەبەفرا ڕوچووبوو.

هەموو شتێک سپى دەینواند تەنهادڵى ئەم

نەبێت ڕەش داگەڕابوو پێش ئەوەى ژیان وسەیران

خەبەریان بێتەوە ئەم دەرگاى دەرەوەى بە هێواشى

ڕاکیشاو .بۆئەوەى بەفرى سەر گۆرى مێردەکەى

لاببات و زووش بێتەوە شێرەبەفرینەکەیان بۆدروستبکات.

*************

چەند جارێک و بەتایبەتى لەشوێنە تایبەتیەکاندا، نیگایان ئەگرتەیەک

بەچاو یەکتریان ئەدواند، کەسیان پڕکێشى ئەوەیان نەدەکرد. تەنها

وشەیەکیش بکەنەشەمچەى خۆشەویستیان. ڕۆژگار هات وتێپەڕى.

هەروەکو جاران لەپیشانگایەکدا چاوەکان هەرزوو یەکتریان ناسیەوە.

بەڵام ئەمیان شانبەشانى شۆخێک وئەویدیان لە قۆڵى پیاوێکى وورگندا نەرم نەرم بەرەوڕووى یەکدى دەهاتن. کاتێ گەیشتنە ئاستى یەک یەکى دوودڵۆپ فرمێسکى گەرمیان بۆیەکترى کردە دیارى.

*****************