١٠\١٢\٢٠١٠

سەلەفییه‌کان، هێزە ئیسلامییه‌‌ توندئاژۆکان، رژێمی کۆماری ئیسلامی ئێران، کوردستان.

محەمەد حەکیمی 

 
دەستێوەردانەکانی رژێمی کۆماری ئیسلامی لە کاروباری ناوخۆی هەرێمی کوردستان و ناردنەوەی چەندین تیمی ئەنسار و القاعیدە بۆ ناو خاکی هەرێمی کوردستان و ئاژاوە نانەوە و بۆمبرێژ کردنی شەقامەکان لە لایەن ئەو تیمە ترۆریستیانە و دەبێ بزانین سەلەفییه‌کان و ئەم تیمانە چ خەونیەکیان بۆ کوردستان دیوە و دەبێ تاکی کورد چۆن هەلس و کەوت بکات لە بەرامبەر ئەم تەنگەژەدا .

دوای رووخانی رژێمی بەعس هەرێمی کوردستان هەرێمێکی سەربەخۆ و ئازاد کرا و هەرێمێکی فدراڵی تێدا دامەزرا، خەونێک کە سەدان ساڵە خەڵکی کوردستان قۆربانی بۆ داوە و بە سەدان هەزار کەس لەو رێگادا گیان و ماڵیان لە دەست داوە و یان ئاوارەی هەندەران بوون و ئێستاکەش حاڵ و ماڵی خۆیان نازانن.

ئەگەر چی کوردستان ئازاد کرا بەڵام بەشیەکی بەرچاو لە کوردستان لە ناوچەی هەورامان کەوتبووە ژێر دەستی گرۆپی ئەنسار و ئەو گرۆپە دەستیان کرد بە ئازار و ئەزیەتی خەڵکی ناوچەکە و بە ناوی ئیسلامەوە دەیان کاری نەگۆنجاویان ئەنجامدا و جەستیان کرد بە دەسدرێژی بۆ سەر ناوچەکانی تری کوردستان و بە دەیان جنایەتیان خۆڵقاند.

دوای ئەم جنایەتانە و دوای ئەوەی کە خەڵک زانیان ئەمانە چین و کێن لەشکری پێشمەرگەی هەرێم و هێزەکانی ئەمریکا هێرشیان کردە سەریان و بە گشتی ئەو تاقمە لە ماوەیەکی کۆرتدا لە ناو چوون و ئەو ناوچانەش بە گشتی ئازاد کران و ئەوەی کە لەو تاقمە ماببونەوە یان رایان کردە ئێران یان بەرە و دەرەوە چوون یان خۆیان دا بە دەست هێزە کوردەکانەوە.

ئەگەر چی ئەو بەشەی کە ڕایان کرد و چ بوونە ناو خاکی ئێرانەوە لە ناوچەی مەریوان گرسانەوە و لەوێ بۆ جارێکی تر دەستیان کرد بە خۆ رێکخستن لەو لاشەوە رژێمی کۆماری ئیسلامی لە رووی سیاسی و چەک و تەقە مەنی و هاوکاریەکی زوری کردن و ئێستاش زۆر زیاتر دەیکات و دژی هەرێمی کوردستان کەڵکی لێ وەردەگرێت و هەر وا که بینیمان لەم ماوەدا ئەم هێزانە دزەیان کردوەتە ناو خاکی هەرێمی کوردستانەوە و دەستیان کردوەتەوە بە بۆمب دانان لە ناو ژن و منداڵی خەڵکی بێ تاواندا.

ئەگەر چی سەرچاوەکان باس لەوە دەکەن کە حکومەتی هەرێم زۆر بە تۆندی ئێرانی لە هەلس و کەوتەکانی ئاگادار کردوەتەوە و هۆشداری داوە بە ئێران ، بەڵام لە راستیدا رژێمی کۆماری ئیسلامی وڵامی ئەمانە ناداتەوە و هەر وا کە لەم ماوەدا دییمان چۆن دەسیان خستە ناو کارو باری حکومەتی هەرێمەوە و هەر وا کە سەرچاوەیەکی باڵای ئەمنی حکومەتی هەرێم دەڵێت ئەگەر پیلانەکەی ئێران سەریبگرتایە: ژیانی سەدان هەزار کورد دەکەوتە مەترسیەوە و لەم دواییانەدا ئەوە پلانەکانی رژێم بە چەندین جۆر دەستی پێکردوە و هەر وا کە دییمان ئاژاوەکانی مهاباد و سنە و هەر وەها شارەکانی تری کوردستانی رۆژهەڵات هەموو سناریۆکانی رژێمن بۆ نا ئەمن کردنی کوردستان و لەم رێگەدا دەست بە هەموو شێوەکانی دژە ئینسانی دەدات.

بە پێی ئەو بەڵگانەی هەن رژێمی ئێران گەرکیەتی لە رێگەی ئەم گرۆپە ئیسلامیە تۆندئاژۆیانه‌ وەک ئەنسار پشێوی و ناسەقامگیری بخاتە هەرێمی کوردستانەوە و ئەم ئاسایشەی حکوممەتی هەرێم بە مەترسیەک دەزانێت بۆ سەر خاکی خۆی .

لێرەدا دەبێ ئاماژە بەوە بکەم کە زۆربەی وڵاتانی هاوسێ و عەرەبەکان چاویان هەڵنایەت ئاسایشی هەرێمی کوردستان ببینن و تا ئێستا گەرەکیانە بە هەر شێوەیەک کە بتوانن ئەو ئاسایشە بشێوێنن و هەر رۆژە و تەگەرەیەک دەخەنە بەردەم حکومەتی هەرێمی کوردستانەوە و دەیانەوێت ئەو ئاسایشە بشێوێنن و ئێستا لە لایەکەوە بە ناردنی تیمی ئەنسار کە پێک هاتوون لە چەندین نەتەوە و وەک ئێرانی،هیندی و پاکستانی و ... ئێرانیش بە هەموو شێوەیەک پاڵپشتیان لێ دەکات .

ئەگەر چی تا ئێستا چەندین پێکدادانی کۆرت روویداوە لەم ماوەدا لە ناو خاکی هەرێمی کوردستان و هەموو ئەمانە لە ژێر نەزەری سپای قودسدا ئەم هێرشانە ئەنجام دەدڕێ و ئەم هێزانە لە سەر سنوورەکان بە ناوی کۆڵبەرەوە و بە ناوی قاچاخچی دزەیان کردوە و زۆربەیان لە لایەن پە کە کە وە دەسبە سەر کراون و سیاسەتێ کە خەریکە دادەڕژێ بۆ کوردستان جێگیر کردنی گرۆپە ئسلامیە تۆند ئاژوەکانن لە قەندیل ،بەڵام ئەمە لە کاتی نەمانی پەکەکەدا روو دەدات و ماوەیەکی زۆرە کە پسپۆرانی بواری سیاسی ئەو هۆشدارەیان داوە بە حکومەتی هەرێمی کوردستان و دەبێ زۆر بە جدی ئەو هەرەشەیە وەر بگیردرێت و ئەگەر ئەو گرۆپانە بتوانن لە قەندیل جێگیر ببن ئەوا لە ناو بردنیان بە راستی ئەستەم دەبێت و دەتوانن ئەو شوێنە بکەن بە پێگەیەکی قایم بۆ خۆیان و نە تەنیا ئاسایشی هەرێم بەڵکوو ناوچەکە دەخەنە ژێر مەترسیەوە و دەبنە مۆتەکە بۆ ناوچەکە .

رژێمی کۆماری ئیسلامی ئێران هەر چەن بە ڕواڵەت دەڵێت ئێمە دژی ئەم گرۆپە تروریستیانەین ، بەڵام لە راستیدا هەر دووکیان چ گرۆپە تروریستیەکان و چ ئێران بەرژەوەندیەکانیان یەکن و هیچ کات واز لە یەک ناهێنن و دەسەڵاتدارانی رژێمی کۆماری ئیسلامی ئێران ئاگاداری هەموو جم و جووڵەکانی القاعیدە و گرۆپە تروریستیەکانن.

هەر بۆیە پێویستە حکومەتی هەرێمی کوردستان زۆر بە جدی و پێداگریەکی زۆرەوە رێگە لە هەر جم و جۆڵێکی ئەم گرۆپانە بگرێت و ئیزن نەدا ئەمانە هەدا بدەن.

serko_azadi@yahoo.com