|
|
|
٥\٧\٢٠١٠ گۆشه‌ی '' رۆژه‌ک نا رۆژه‌ک ''. (۴) سەنعان و نێرەکەرەکەى کێخوا.
ئیتر دەڵێن مێژوو خۆى دووبارە دەکاتەوە و سەربووردەى(نێرەکەر) زۆر لە مەیدانى سیاسەت و هەندێک لە سیاسەتمەدارانى نێو کوردستان وێکچوونى هەیە..!!
(سەنعان قەساب) کە زۆڵە کوردێکە و وەک(نێرەکەر)ى کێخوا هەتا بۆى کرا لە دژى کورد خزمەتى بەعس و تورکیاى کرد و هاشاى لە نەتەوەکەى خۆى کرد، لە ماوەى چەند ساڵى رابردوو هیچ پیلانێک نەما ناوبراو لە کوردى نەکا تا کار گەیشتە ئەوەى هاوکارى لەگەڵ موخابەراتى تورکى(M.I.T) و سوپاى تورک بکات و بە ناوى مافى تورکمانەکان و(دروست نەبوونى دەوڵەتى کوردى) کوردستانى ئازاد داگیر بکەن. ئیتر(سەنعان قەساب)یش هەر ئەو سەردەمە مۆدێلى هەبوو کە سێ پارێزگا لە دەست کورد بوون، کاتێک عێراق ئازاد کرا و کەرکوک ئازاد بوو، ئاڕاستەى سیاسەتى تورکیا لە هەولێرەوە وەچەرخا بۆ کەرکوک،(سەنعان قەساب) سەرەڕاى ئەو هەموو خزمەتەى بۆ تورکیا قەوچ و قەراسەکەیان لەسەر کردەوە و بەڕەڵایانکرد و ئەم جارە نەک(تەراکتۆر) بەڵکو(نێرەکەرێک)ى تریان لە کەرکوک دۆزیەوە و ئیتر(سەنعان) ئابێیان پشت گوێ خست. هیوادرین کەس حاڵى بە حاڵى(نێرەکەر..ببوورن سەنعان ئاغا) نەبێ..!! چونکە کورد دەڵێ: سەد ساڵ بکەى بێگانە پەرستى، هەر دەهێنى نوشوستى..!! دەک قسه‌ی پێشینان هه‌ر به شه‌کر بێ!!
|
کێخوایەک
لە یەکێک لە گوندەکانى کوردستان، پێش ئەوەى ئامێرى تراکتۆر و دەڕاسە
بێتە کوردستان، کێڵان و جووت و هەموو کارەکانى جووتیارى بە(نێرەکەرێک)ى
دەکرد، ئەم(نێرەکەرە) ناوبانگى دەرکردبوو لە خزمەتکردن و ماندوو نەبوون،
شەو و رۆژ لە کێڵگە هەموو کارێکیان پێ دەکرد، خەڵکى دەر و دراوسێى
کێخوا بە خیلیان بە کێخوا دەبرد، زۆر جاریش دەیانویست ئەم(نێرەکەر)ەى
لێ بکڕنەوە، بەڵام کێخوا رازى نەدەبوو، بەرامبەر ئەم خزمەتە
گەورانەى(نێرەکەر)یش کێخوا ئالیکێکى باشى دەدایە و زۆر نازى رادەگرت.!!
لە مەجلیس و دیوەخانان باس هەر باسى(نێرەکەر)ى کێخوا بوو..!! ساڵ هات و
ساڵ رۆى تراکتۆر و ئۆتۆمبێل و دەڕاسە پەیدا بوو، کێخواش تراکتۆرێک
دەکڕێت، ئیتر گۆڕانکاریەکى زۆر تراژیدى بەسەر حاڵ و باڵى(نێرەکەر)ى
لەخۆ بردوو دێت و کێخوا لە جیاتى(نێرەکەر)، تراکتۆر دەخاتە گەڕ و
پێویستى بە خزمەتەکانى(نێرەکەر) نامێنێ،(نێرەکەر)ى بەستە زمان بەڕەڵاى
کوچە و کۆڵانان دەبێت، بێ ناز و برسى دەکەوێتە بەر شاڵاوى بەرد و دارى
منداڵانى گوند..!!!