په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

سێ په‌رله‌مانتاری سوێدی

له‌سه‌ر داخستنی ده‌ته‌په‌ نامه‌ ده‌ده‌نه‌ سه‌رۆک وه‌زیران و وه‌زیری ده‌ره‌وه‌ی سوێد.

 


له‌ سێ نامه‌ی جیا دا که‌ ئاراسته‌ی سه‌رۆک وه‌زیران (فردریک رایان فیلد) و وه‌زیری ده‌ره‌وه‌ی سوێد (کارل بیلد) له‌لایه‌ن ئه‌ندامی په‌رله‌مان و به‌رپرسی دۆسیه‌ی کورد له‌پارتی چه‌پ (یاکوب یۆنسۆن) ئه‌ندام په‌رله‌مان ، وه به‌رپرسی به‌شی ئه‌نته‌رناسیۆنالی له‌پارتی ژینگه‌ی سوێد ‌(بۆدیل سێبیلۆس) و ‌ئه‌ندام په‌رله‌مان له‌ پارتی سۆسیال دیموکراتی سوێدی (یه‌لماز که‌ریمۆ) که‌له‌به‌شی په‌یوه‌ندیه‌کانی ده‌ره‌وه‌ کارده‌کات ، دژ به‌داخستنی پارتی کۆمه‌لگای دیموکرات له‌ سێ نامه‌ی جیا به‌لام له‌ناوه‌ڕۆک له‌یه‌ک چوو ،ئاماژه‌ به‌ مه‌ترسی بریاری دادگای بنه‌ره‌تی تورکیا ده‌که‌ن ، که‌له‌ 11 ی ئه‌م مانگه‌وه‌ بریاری داخستنی ده‌ته‌په‌ی دا ، وه‌ باس له‌وه ده‌که‌ن ئه‌م بریاره‌ ده‌بێته‌ هۆی ئه‌وه‌ی پاشه‌کشه‌ له‌ دیموکراسیه‌ت و چاره‌سه‌رکردنی ‌کێشه‌ی کورد ی لێ بێته‌ ئاراوه‌ ، که‌ماوه‌یه‌که‌ هه‌ولی بۆ ده‌درێت وبه‌لام به‌م بریاره‌ گرژی و توندو تیژی له‌م ولاته‌ دێنێته‌ ئاراوه‌ هه‌روه‌ک له‌ڕۆژانی رابردودا ڕویداوه‌ .


ئه‌و ئه‌ندام په‌رله‌مانانه‌ی سوێد ، له‌ناوه‌رۆکی نامه‌که‌یان ئه‌وه‌ به‌بیر وه‌زیری ده‌ره‌وه‌و سه‌رۆک وه‌زیرانی سوێد ده‌هێنه‌وه‌ ، که‌مه‌سه‌له‌ی دیموکراسیه‌ت مه‌سه‌له‌یه‌کی گرنگه‌ لای ولاتی سوێد ، تورکیاش ئه‌و کاته‌ مافی ئه‌ندامه‌تی له‌یه‌کێتی ئه‌ورپا ده‌بێت ، که‌به‌پێی پێوه‌ره‌کانی کۆپنهاگن ولات به‌ڕیوه‌ ببات .


پرسیاری کۆتایی هه‌ر سێکیان له‌وه‌دا چربۆته‌وه‌ ئایا ولاتی سوێد که‌ئێستا سه‌رپه‌رشتی یه‌کێتی ئه‌ورپا ده‌کات ، چ هه‌نگاوێک ده‌گرێته‌ به‌ر بۆ پاشه‌ پێ ،کردنی ئه‌م بریاره‌ی دادگای تورکیا ‌ ؟


شایه‌نی باسه‌ یاکوب یۆنسن و بۆدیل سیبیلۆس دوو ئه‌ندامی فه‌خری چاودیڕی کوردۆسایدن و وه‌دۆستی گه‌لی کوردن . وه‌یه‌لماز که‌ریمۆ ئه‌ندام په‌رله‌مانه‌ له‌سه‌ر لیستی سۆسیال دیموکرات له‌به‌شی سیاسه‌تی ده‌ره‌وه‌ کار ده‌کات و که‌سایه‌تیه‌کی ئه‌رمه‌نه‌ . ناکرێت ئه‌وه‌ش نه‌لێین رۆلی کۆمیته‌ی سوێد ی چاودیری کوردۆساید له‌ و ناره‌زایه‌تیانه‌ی ئه‌ندام په‌رله‌مان و که‌سایه‌تیه‌ سیاسیه‌کان ئاماژه‌ پێ نه‌که‌ین و نه‌لێێن دلنیاتان ده‌که‌ینه‌وه‌ که‌ژماره‌ی په‌رله‌مانتارو که‌سایتی و پارته‌ سوێدیه‌کان دژ به‌ داخستنی ده‌ته‌په‌ زیاتر ده‌که‌ین.

 

 

کۆردۆساید

kurdocide@hotmail.com