هەر کەسێک لە هەر سەردەمێک لە بەرانبەر هەر مافێک بە تایبەتییش مافی سەربەخۆیی میللەت و نیشتیمانێک بیانووی ئەوە بهێنێتەوە کە هێشتا بارودۆخ لەبار نییە بۆ وەدەستهێنانی ئەو مافە.. ئەوە ئەگەر بە واتای وشە گەمژە نەبێ ئەوە بە بێ هیچ گومانێک سیاسەتبازێکی هێندە چەوسێنەر و ستەمگەرە ئامادەیە تێکڕای ئامانجەکانی میللەت لە ژێر پێی بنێ و خۆشی ببێتە کۆیلەی هێندەک بەرژەوەندیی تەسکی خودپەرستییانەی خۆی و حیزب و لایەنە سیاسەتبازەکەی! هیچ سەیر نییە کەسێکی خێڵەکیی و زۆر کۆنەپەرست و دژە ئازادیی و چەوسێنەری وەک ''بارزانی'' - کە تا دوێنێ داوای ئۆتۆنۆمیی دەکرد و تا لە ژێر گوشاری میللەت وازی لێهێنا بەرد شەقی برد! پاشانیش بە هۆی فیدراڵییەتە پەڕپووتەکەیان بۆ ماوەیەکی درێژ سەربەخۆیی کوردستانیان لەبار برد - بەڵام ئێستا بانگەشە بۆ سەربەخۆیی دەکا.. چونکە ئێستا باش ئەوە دەزانێ کە ئیدی میللەت هۆشیارە و ئەگەر دان بە سەربەخۆیی نەنێ و هەنگاوی بۆ نەنێ ئەوە کورسییەکەی لەدەست دەچێ، کەواتە ''کوتەک دەزانێ قۆناغ لە کوێیە''! هەر بژی کوتەکی میللەت بۆ تێکڕای ماف و ئازادییەکانی خەڵکی کوردستان.