|
٨\١\٢٠١٣
ڕاگەیاندنێک لە گرووپی
ژیانەوە:
سەردانی وەزیری
ناوخۆ لە لایەن تیمێکی گرووپی ژیان.
 دوای
تێپەربوونی مانگێک بەسەر ھەڕەشەکردنی بەردەوامی ڕۆژانە لە ڕێکخەری
گرووپەکەمان خاتوو "بەھار مونزیر " و تێپەڕبونی ماوەی (مانگێک و ٧ ڕۆژ)
بەسەر تەقەکردن لە خاتوو پەروین لە ئوتیلێک لە ناوجەرگەی شاری ھەولێر
دا، پاش نیوەڕۆی ڕۆژی چوارشەممە (٩ - ١ - ٢٠١٣) تیمیکی گرووپەکەمان
سەردانی وەزیری ناوخۆ دەکات بۆ گەیاندنی ناڕەزایەتیەکانی گرووپەکەمان
لە کەمتەرخەمی لایەنەکانی ئاسایش و پۆلیس لە دۆزینەوەی تۆمەتبارانی ئەم
ھەڕەشەو تەقەکردنە لە چالاکوانان و بەدوادانەچوونی جدی لەلایەن
دەزگاکانەوە گومانی زیاتر لای چالاکوانان دروست دەکات و ھۆکارێکشە بۆ
تێکدانی ئارامی و ئاسایشی گشتی .
شایەنی باسە رۆژانە چەندینجار ھەڕەشە لە خاتوو بەھار دەکرێت و
رووبەڕووی بارودۆخێکی ئاڵۆزی کەسی و ڕێکخراوەیی بوەتەوەو مەترسی لەسەر
سەلامەتی گیانی ھەیە، بەڵام تا ئێستا سەرەڕای دابیننەکردنی ھیچ
ئەمنیەتێک لەلایەن لایەنە پەیوەندیدارەکان دادگا و پۆلیسیش سەرقاڵی
کاری ڕۆتین و دەستاودەستکردنی دۆسیەکەن و ھیچ لایەنێک بەفەرمی ھاوپشتی
و خەمخۆری خۆی ڕانەگەیاندوە بەھەمان شێوە بۆ کەیسی پەروین خان تا ئێستا
ھیچ سەرەداوێک ئاشکرا نەبووە.
ھەربۆیە داواکارین لە سەرجەم ئەو لایەن و نوێنەرایەتی وڵاتان و
کونسوڵخانەکان و نەتەوە یەکگرتوەکان کە دیداری راستەوخۆ و
ناڕاستەوخۆیان لەگەڵ ئەنجام داوین و بەدواداچونیان کردوە بۆ ئەم پرسە
ھەمان کات بتوانن پەیوەندی بە وەزارەتی ناوخۆ و ئاسایشی ھەرێم بکەن بۆ
ئەوەی کە ئەم لایەنانە بەجدی کار لەسەر ئەم کەیسانە بکەن و تیمی گرووپی
ژیانیش ھەمان پەیام دەگەیەنێت لەو دیدارە راستەوخۆیەدا .
ھۆکاری سەرەکی ھەرەشەکردن لە خاتو بەھار داکۆکیکردن بوە لەکەیسەکانی
کوشتنی ژنان بەتایبەتی کەیسی مامۆستا ساکار.
تیمی ڕێکخراوەکەمان لەو سەردانەدا پێک دێن لە:
بەھار مونزیر، پەروین عەزیز، فەلاح مورادخان، سۆزان عارف، شۆخان
حەمەرەشید .
بۆ زانیاریی پتر و پەیوەندییکردن : ٠٧٧٠٩١٠٢٢٣٧ ، ٠٧٧٠١٥٢٣٩٥٤
گرووپی ژیان
٨\١\٢٠١٣
|
