       |
| سه‌رۆکی هه‌رێم.، وه‌ره با.. یاسا پیاده‌که‌ین..؟؟!!
مسته‌فای حه‌سه‌نه گه‌وره/دانمارک
به‌شاهیدی زوربه‌ی زۆری کۆمه‌ڵانی خه‌ڵکی کوردستان، ڕۆژنامه‌و میدیاکانی کوردستان ، زیاتر له ده مانگه من له‌هه‌وڵی بێ پسانه‌وه‌ی ئه‌وه‌دام، که‌کۆنه سه‌رۆک جاشێکی سه‌رده‌می به‌عس بده‌مه دادگا، نه‌ک هه‌رمن به‌ڵکوو زیاتر له 45 خیزان و که‌سووکاری قوربانیانی ده‌ڤه‌ری پشده‌ر. به‌دوای بانگه‌وازی مندا داوای یاساییان له‌سه‌ر هه‌مان سه‌رۆک جاش و ئامۆزایه‌کی که‌ئه‌ویش له‌سه‌رده‌می به‌عسی گۆڕبه‌گۆڕا موسته‌شار بووه‌و خۆیی و سه‌دان له‌جاشه‌کانی به‌شداری ڕاسته‌خۆیان له ئه‌نفال کردووه. من سه‌ره‌تا له‌نامه‌یه‌کی کراوه بۆ جه‌نابتان و پاشان بڵاوکردنه‌وی به‌شێک له‌ناوی قوربانیانی ده‌ستی ئه‌م کۆنه جاشه‌و گه‌ڕانه‌وی بۆ کوردستان بۆ تۆمار کردنی داوای یاسایی و له‌هه‌موو حاڵه‌ته‌کان وه‌ک شاهیدی هه‌میشه قسه‌م بۆ ڕۆژنامه‌و که‌ناڵه‌کانی ڕاگه‌یاندن کردووه. ئێوه‌ش هه‌ر له‌سه‌ره‌تاوه بێ ده‌نگیتان هه‌ڵبژارد جگه له‌وه‌ی، له‌جیاتی ئه‌م سه‌رۆک جاشه راده‌ستی دادگا بکه‌ی پاره‌یه‌کی زۆری له‌لایه‌ن تۆوه پێدراوه بۆ ئه‌وه‌ی ڕێگری له‌به‌رده‌م هه‌وڵه‌کانی داگا بکا، بتوانێ سوڵحی عه‌شایه‌ری بکات، هه‌ڵبه‌ته کردووشیه‌تی، به‌ڵام هه‌موو که‌س ئاماده‌نیه ئه‌م کاره قێزه‌وونه بکات. خوێن له‌به‌رامبه‌ر پاره، ئه‌وو جگه له‌وه‌ی به‌شێک له‌و پاره‌یه‌شی بۆ تیرۆر کردنی من ته‌رخان کردبوو، که‌من ئه‌و کاته هه‌م ده‌زگاکانی ڕاگه‌یاندن وهه‌م رێکخراوی چاک به نامه‌یه‌کی فه‌رمی جه‌نابتان و هه‌موو داموو ده‌زگا به‌پرسه‌کان و ته‌نانه‌ت ڕێکخراوی لێبو‌ردنی نێو ده‌وڵه‌تیش له‌وه ئاگادار کرایه‌وه، به‌ڵام ئێوه هه‌ر بێ ده‌نگیتان هه‌ڵبژارد. وه‌من له‌ڕێگای هاوڕێیه‌کی دانمارکی که‌جه‌نابت ئه‌ناسێ، ویستم کۆتایی به‌م کێشه‌یه بهێنین، ئه‌وه‌بوو له‌ڕێگای کاک فوئاد حسێن سه‌رۆکی سه‌رۆکی دیوان هه‌موو به‌ڵگه‌نامه‌و ته‌نانه‌ت چاوپێکه‌وتنه‌کانی ئه‌م سه‌رۆک جاشه . که‌به‌ڕاشکاوی ئه‌ڵێ ئه‌بێ کاک مه‌سعود ئه‌مر بفه‌رموێ تا ئه‌و ئاماده‌ی داگابێ، ته‌سلیم به ئێوه کرد تۆش جه‌نابت وه‌ک سه‌رۆکی هه‌رێم ، هه‌میشه درووشمـی ئه‌وه‌مان بۆ دووباره ئه‌که‌یته‌وه که یاسا له‌سه‌رووی هه‌موو که‌سێکه‌وه‌یه. جارێکی تریش هیچ وه‌ڵامێکمان وه‌ر نه‌گرت. تاکه وه‌ڵامێك ، ئه‌وه‌بوو قه‌ڵه‌م جاشێکی سه‌ر به‌ده‌زگای پاراستن، که‌زاتی ئه‌وه‌شی نه‌کردبوو ناوی خۆی بنووسێ منی به‌وه تاوانبار کردبوو، که‌من به فیتی ده‌زگای زانیاری هه‌وڵی داگایی کردنی ئه‌م کۆنه جاشه ئه‌ده‌م، منیش له‌وه‌ڵامێکی کورت و کرمانجێدا هه‌ر ئه‌وه‌نده‌م به م قه‌ڵه‌مه ترسنۆکه ووت، ده‌زگای زانیاری و ده‌زگای پاراستن دوو ڕووی یه‌ک دراون . وه‌ک دوو ده‌زگای سه‌ر به دووحزبی حاکم لهکوردستان. له‌ڕوویه‌کی تریشه‌وه، ئه‌م دوو ده‌زگایه خاوه‌نی ده‌یان زیندانی نا یاسایین، که‌به‌داخه‌وه تاکه سه‌رۆک جاشێک تاکه ئه‌نفالچیه‌ک، تاکه به‌عسیه‌کی کورد زمانی تێدا نیه ...؟؟؟ سه‌رۆکی به‌ڕێز، من ئه‌مجاره زۆر به هێمنی له‌گه‌ڵتا ئه‌دوێم، وه حه‌ز ئه‌که‌م دوو شت بیری هه‌موو لایه‌ک و پێش هه‌موویان بیری جه‌نابتی بخه‌مه‌وه. یه‌که‌م.، له‌کاتی سه‌رکه‌وتنی هه‌موو شۆڕش و بزوتنه‌وه‌یه‌کی حه‌ق خوازیدا، له‌کاتی سه‌رکه‌وتنی شۆڕشا، ئه‌وانه‌ی ناپاکیان کردووه، یاخود له ئۆردووی به‌ره‌ی دوژمن بوون، یان ئه‌که‌ونه به‌ر شه‌پۆلی ناڕه‌زایه‌تی خه‌ڵک و به‌سزای خۆیان ئه‌گه‌ن، یان له‌داگایه‌کی ناوچه‌یی یان جیهانیدا دادگایی ئه‌کرێن و گۆشه‌ی زیندان دوا مه‌نزڵگای ژیانیا ئه‌بێت. یان ئه‌وه‌تا لانی که‌م له‌کاتی لێخووشبوونیشیانا ئه‌وانه که‌زۆر تاوانبار نین و ده‌ستیان سوور نه‌بووه به خوێنی کۆمه‌ڵانی خه‌ڵک، بۆ هه‌تا هه‌تایه سه‌ر شۆڕو خه‌جاڵه‌تی کۆمه‌ڵگا ئه‌بن. که‌چی لهکوردستان ڕێک به پێچه‌وانه‌وه، ئۆباڵی هه‌ره گه‌وره‌ش له‌ئه‌ستۆی جه‌نابت دایه، یه‌که‌م وه‌ک سه‌رۆکی هه‌رێم، دووه‌م تۆ له‌ساڵی 1991 وه‌ک سه‌رۆکی به‌ره‌ی کوردستانی ئه‌وسا، پێش هه‌ر کارێکت لێبوردنت بۆ ئه‌م سه‌رۆک جاشوو ئه‌نفالچیانه ده‌رکرد، ئه‌مه جگه له‌وه‌ی له‌هه‌موو دنیادا حه‌قی گشتی هه‌یه‌و حه‌قی تاکه که‌سی هه‌یه، تۆ هه‌رگیز ناتوانی له‌جیاتی که‌سوو کاری قوربانیان بڕیار بده‌ی، ئه‌وه ئێمه‌ین ته‌نیا خاوه‌نی ئه‌م بڕیاره‌ین،. ئێمه‌ش ته‌نیا ئه‌بێ کێشه‌کانمان له‌دادگا یه‌کلا بێته‌وه. نه‌ک به‌بڕیارێکی حزبی و حکومی. دووه‌م.، له‌هه‌موو ده‌ورو زه‌مانێکا، ده‌سه‌ڵات ئه‌بێ حه‌ق و عه‌داله‌ت فێری خه‌ڵکی بکا، ئه‌بێ سه‌رۆک ڕێنوێنی جه‌ماوه‌ر بکات بۆ ئه‌وه‌ی پابه‌ند بن به‌یاساوه، که‌چی لای جه‌نابتان دیسان کاره‌که به پێچه‌وانه‌وه‌یه، ئه‌وه‌منم وه‌ک هاوڵاتیه‌کی ئاسایی داوای پیاده‌کردنی یاسا ئه‌که‌م، ئه‌وه منم به ته‌نیا شانم داوه‌ته‌به‌ر داوای دادگایی کۆنه سه‌رۆ جاشیک ئه‌که‌م که زیاتر له 100 که‌سی زیاتر شه‌هید کردووه، هه‌ڵبه‌ته به‌پشتیوانی ڕاسته‌وخۆی ناوه‌ندی چاک و که‌سووکاری سه‌ربه‌رزی قوربانیانی ده‌ستی ئه‌م کۆنه‌جاشه، خۆشبه‌ختانه ئه‌وه‌نده‌م زانیاری و به‌ڵگه ی وورد لایه ، که‌هه‌م وه‌ک داواکارو هه‌م وه‌ک شاهید، ئه‌گه‌ر خوا کردی جه‌نابت دڵت نه‌رم بوو بڕیارت دا ئه‌و کۆنه جاشه ڕاده‌ستی داگا بکه‌یت، ئه‌وا به‌به‌ر چاوی هه‌موو ده‌زگاکانی ڕاگه‌یاندن . بۆتان ئه‌سلمێنم که‌ئه‌و تاوانباره کێیه‌و... داڵده دانی لای تۆوه چه‌ند زه‌ره‌ر به سومعه‌ی جه‌نابتان ئه‌گه‌ێه‌نێت. وه‌ره‌و قۆڵی لێ هه‌ڵماڵه‌و.. بیده دادگا، هه‌ر وه‌ک جه‌نابی له‌دوا چاو پێکه‌وتنی هه‌فته‌نامه میدیا ئه‌ڵێ ئه‌و ئاماده‌یه بێته داگا ، کاتێ دادگایی کردنه‌که له هه‌ولێر و له‌ژێر سایه‌ی پارتیدا بێت، مه‌رجی دووه‌می ئه‌وه‌یه ، به هه‌موو عه‌قڵی خۆیه‌وه دادگایه‌که‌ی ئه‌به‌سێته‌وه به دادگایی کردنی کاک کۆسره‌ت، ئه‌م به‌راورد کردنه بێ مانایه‌ی عه‌باس بایزی تاوانبار، وه‌ک ئه‌وه‌یه وایه تف له ئاسمان بکه‌یت لای موسڵمانێکی پله یه‌ک، تۆ له‌کوێو کاک کۆسره‌ت له‌کوێ، هه‌ڵبه‌ته کاک کۆسره‌تیش ئاماده‌یی خۆی نیشاندا بۆ داگا له‌سه‌ر ڕووداوی ته‌قینه‌وه‌که‌ی زاخۆ. به‌ڵام کۆنه‌جاشه‌که‌ی لای جه‌نابت هیچ هه‌واڵی نه‌بوو.؟؟؟ منیش به‌دادگایی کردنی له‌هه‌ولێر ڕازیم ، ته‌نیا دوو مه‌رجم هه‌یه، یه‌که‌م دادگایه‌کی کراوه له‌به‌ر ده‌م ده‌زگاکانی ڕاگه‌یاندن، دووه‌م سه‌لامه‌تی گیانم پارێزراو بێت. ئه‌و قسه‌و باسانه‌م درێژه‌ی ئه‌بێت له‌گه‌ڵ سه‌رۆکی هه‌رێما، تا داگایی جاشه‌کان.
msto123@hotmail.com
|
