په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

 

 

 

شاره‌وانیی ''به‌رده‌ڕه‌ش'' قادسیه‌ تان باش....!

 

خالید هه‌رکی

 

 

کاتێک سه‌‌دام تێداچوو دلنیابووم که‌ که‌لتووری سه‌دام و به‌عسه‌که‌شی به‌دوایدا له‌ گۆڕده‌نرێ ، به‌لام نه‌مزانی دوای 17 ساڵ له‌ نه‌مانی به‌عس و  رزگاربوونمان له‌ چنگ فاشیزمه‌کان هێشتا ئه‌م که‌لتووره‌ نه‌گریسه‌ی ئه‌وان لای هه‌ندێک که‌سی نابه‌رپرس ماوه‌، ئه‌گه‌ر وانییه‌ فه‌رموون ئه‌م  دوو بۆرته‌‌ بخوێننه‌وه‌ ئه‌مه‌ بۆرتی کۆنی سه‌رده‌می سه‌دام نییه‌ ، بۆرتی گوندێکی خواروی عێراقیش نییه‌  ،به‌لکو هه‌رێمی کوردستانه ‌و  ته‌مه‌نی دروستکردنیان له‌ سالێک ره‌ت ناکات و ته‌مه‌نی گرتنی وێنه‌که‌ش ،له‌ مانگی ئاداری 2008 گیراوه‌ .ئه‌م دوو گونده‌ بێ گوناهه‌ ده‌که‌ونه‌ سنووری شاره‌وانیی به‌رده‌ره‌ش.

 

 پرسیارو وه‌لامی ئه‌م ناوه‌ ناشیرنه‌ لای به‌رێوه‌به‌ری شاره‌وانیی به‌رده‌ره‌ شه‌ ئه‌م شاره‌ و ئه‌م گونده‌ بۆ هه‌وێنیش عه‌ره‌بێکی تیا ناژی ، ئه‌ی ئه‌م ناوه‌ ناپیرۆزه‌ ده‌بێ چ ده‌ستێکی له‌ پشت بێ؟ ده‌بێ نه‌توانرابێ ناوه‌ راسته‌قینه‌که‌ی خۆی بۆ بگیردرێته‌وه‌؟

 

قادسیه‌ ...ئه‌و وشه‌یه‌ی هه‌رکاته‌ی گوێبیستی ده‌بین هه‌زارو یه‌ک بیره‌وه‌ریی تال و مالوێرانیی کۆن ونوێمان وه‌بیر دێنێته‌وه‌ ، قادسیه‌ ئه‌وه‌ی ئێمه‌ی کوردی ئه‌م سه‌رده‌مه‌ له‌گه‌لی ژیاوین شه‌ره‌ مالوێرانیه هه‌شت سالیه‌که‌ی عێراق و ئێران بو که‌ رۆژانه‌ به‌سه‌دان به‌لکو به‌ هه‌زاران رۆله‌ی له‌به‌رده‌م دایک وباوکان هه‌لده‌گرت روه‌و مه‌رگستانی ده‌بردن هه‌زاران مال بێ گه‌وره‌و مندال بێ باوکو ژن بێ مێرد مانه‌وه‌ هه‌زاران جه‌رگی بری ، هه‌زاران به‌رنامه‌ ی زانستی و ئابوریی وه‌لانا ، گوندو شاری وێران وژێر ئاوکرد . پێویست ناکات نه‌  دیرۆکی ‌ ئه‌م قادسیه‌و نه‌ ئه‌وقادسیه‌ی ئه‌مه‌ی به‌ناو کراوه‌ بۆتانی باسکه‌م ، ئێوه‌ش وه‌کوئێمه‌مانان له‌گه‌ل روداوه‌ تاله‌کانی ژیاون .

 

داوا له‌ به‌رێوه‌به‌رایه‌تی شاره‌وانیی به‌رده‌ره‌ش ده‌که‌م دوای پۆزش وداوای لێ بوردن له‌ خه‌لکی کوردستان چیتر هه‌ستی خه‌لک بریندار نه‌کات تا زوه‌ چۆنیان تێک داوه‌ ئاوه‌هاش چاکی که‌نه‌وه‌.

 

Serben.com

khalidherki@chello.nl