٥\٣\٢٠١٥

    شەڤ و تو.

جوتیار تەمر

بەرامبەر ڤێ شەڤێ
و نەهاتنا وێنێت دێمێ تە
دەریاچەکا گەورە ژ دوو دلیی
خو ژ ترسا من دڤەشێریت
عەورێت رەش هەیڤێت وی یێت بەرەڤ نەمانێ ڤە دچن
جهەکێ مەندهوش ژ پارچەکا سینکێ من
دبیتە شکەفتەکا پر رەنگ
ئەز.. نە تو.. بتنێ د هزرێن هاتنا تەدا دمینم
دەستێ خو یێ بێ گونه
ب سەر ئەنیا خودا دئینم دا نڤێژا ترسێ نەکەم
دوماهیک... دلڤ لڤوکن د ناف بەرا تە و بەرێ سبیدەێن تارى
دەستبیک... د ناڤ هەردوو دەستێت تە دا دچن
و دبنە هەستەکا بێ هێز
بیرهاتن د قولاچێن دیتنەکا مری دا خو دڤەشێرن
دەمێ برس دناڤ شوستەکى (رێیف) و شوستەکێ دا هات
و بانگەوازیا نەهاتنا تە بەلاڤ دکر
من د ناڤ گیانێ خو یێ پر ترس دا دگوت:
بۆ تە نەمان و نەدیتن ئەى شەڤا نەساخ
بۆ نەمان تا دوماهیکا رێ و رەسمێن (گقوس) تاریاتیێ
تو نەشێى برینێت من هەمبێزکەى
ئەژى ل ژێر برسا تە یا هەڤچەرخم
بەلێ دەستیریێ بدە من..
دا بو کەسایەتیا خو دیارکەم میراتی هزاران دێم و کەلخا
و ئێکگرتنا گونەها و دێمێَ تە
و دا بانگەوازیا تابیتا ل بن سیبەرا تە بەلاڤ کم
و دەنگێ بوشایێن پێگوتنێت واندا..
مەندهوش نەبە دەمێ
شەڤ دشێت خو بنهێنى ڤەکێشیت
دا ئەڤ برینێت د ناڤ دەمێ
حەسکرنا من بهەمبێزکرنا تە و نەهاتنا تە
ببنە خوداوەند دناڤ مێشکێ من دا
و شەڤ ببیتە مەترسیەک لسەر مان و نەمانا تە.

٧\٥\٢٠١٠ - کوردستان
jutyar_13@yahoo.com