په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٣\١\٢٠١٥

    شەوی ئاڵ!


دڵی رۆژهەڵات

لام وایه‌ ملوانکه‌یه‌کم له ‌ملتا
یان ترووکانی ئازار له ‌ناختا،
کاتێك، نه‌ به‌فر ده‌بارێ و
نه‌ هه‌وا ده‌مێنێ،
تۆ سه‌ر ده‌رده‌که‌ی
له‌ هه‌وارێ ده‌رده‌که‌وی که ‌پڕیه‌تی له ‌من و
خاڵی خالیه‌ له ‌تۆ.

شه‌وی ئـاڵ
ملوانکه‌یه‌کم له‌ رەگەزی ئاو و
له رەگەزی فریشته‌ و
سه‌وزکردنی شه‌وی تاریك و
گۆڕینی ره‌نگی چاوت،
بۆ ره‌نگی زمانم.

شه‌وی ئاڵ
له ‌شه‌ودا ملوانکه‌یه‌ک له ‌نیگاکانت ده‌هۆنمه‌وه‌ و
شه‌وی خۆم و
رۆژی تۆی پێ ده‌ڕازێنمه‌وه‌.

له ‌شه‌وی ئـاڵدا
کزه‌بایه‌ک بۆ ساڵی نوێ

ده‌که‌م به‌ دیاریی و
رۆژی نوێی خۆم و مانگی تۆی تۆی پێ ده‌ڕازێنمه‌وه‌،
له ‌ساڵی نوێدا،
تۆ ده‌که‌م به‌ پاشای باران و
خۆشم ده‌بمه‌ که‌نیزه‌کی ماڵی به‌فر.


سـلێمانـی
dlirojhelat@gmail.com


 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک