‌

له‌‌ سپێده‌یه‌کی پڕله‌چێژی ئه‌ویندا
شیعرێکی ته‌ڕ ته‌ڕم چاوی هه‌ڵێنا؛
شیعرێک پڕ له‌ وشه‌ی ره‌‌نگاوڕه‌نگ
 شیعرێک شایسته‌ به‌ مه‌حبوبه‌که‌ی ''نالی''
شیعرێک ؛ رسته‌ و گوزارشتی

ووشه‌ به‌ ووشه و‌ به‌ سه‌ربه‌ستیی

هۆنیمه‌وه‌
بۆ گه‌ردنی پڕ له‌خاڵ و چاوی مه‌ستی،

تا بزانێ من له‌ سپێده‌ی هه‌ڵبه‌ستمدا

 له‌نێو‌ په‌رستگای ئه‌ویندا

ته‌‌نیا کڕنۆش

بۆ تیشکی چاوی ئه‌و نه‌بێ

بۆ که‌س نابه‌م..

ده‌سته‌وئه‌ژنۆ هه‌ڵده‌کوڕمێم به‌رامبه‌ری

تا خۆری چاوی هه‌ڵنه‌یێ

له‌جێی‌خۆم.. یه‌ک جووله‌ ناکه‌م.
ئه‌ی نازه‌نین
تۆ نازانی ئه‌ز چه‌ند شێتێکی سه‌ره‌ڕۆم ..

                چه‌ند به‌ بۆنی تۆ سه‌رمه‌ستم؛

من ده‌توانم

به‌هه‌ر کووچه‌و کۆڵانێکی هه‌ر شارێکدا رابگوزه‌ری
به‌ بۆن شوێنپێکانت هه‌لگرم
خۆ ئه‌وینت وای لێ کردووم

دڵم بدوێ..

             گیانم بدوێ..

تێکڕای جه‌سته‌ و هۆش و هزرم 
بێ
ئه‌لف و
بێ و

بێ ده‌نگ بدوێ.

pesha@hotmail.com