٢٣\٥\٢٠١٢

    سبەھا تە.

نەسرین ئەحمەد

ئەڤ سبەھ، نە ژ رێزێیە.
جاڤ، نە ئەڤێندارێن خەوێ نە.
ئەڤینی ژ گوندێ مە دبارە.
خەون و خەیالان، دیواران وەندا کرنە.
باژار، د ئەڤرازێن تەناھیێ دە ئاڤابوونە.
کەشتی، بەر ب پەراڤێن بوھشتان ڤە دچن.
پێژنا تە تێ و تو نە خویایی!.
خوە دسپەرم سیا نێرگزێن ھەوشێ.
نوو، جاڤێن خوە ژ ئادارێ رە ڤەکرنە.
بھنا وان، بەدەویا وان، دێمێ تە د رەوانێ من دە نیگار دکن.
نێچیرڤانێ پەیڤا رەڤۆک ...
وا نیچیرڤانۆ...
دیسا تۆرێ ڤەدە لۆ!.
دەمێ راوەستینە، ستوونێن بوھشتێ ھلدە، راز و کلیتێن ئەڤینێ بلند بکە.
دە وەرە ...
کاڤلێ دلێ من ژ دیتنا تە ڤە ب بوھشتەکێ درامە.
د کۆلانێن تۆزگرتی دە دەرباس ببە، دا ژ نوو ڤە گیا و بەیبوون د کەڤیان دە شین وەرن.
تو نە خویایی، لێ پێژنا تە تێ.
ئەڤ سبەھ، نە ژ رێزێیە ...
جوانیا خوە دیاری تە کریە.

nisrinehmed76@hotmail.com