|
٦\١\٢٠١٦
سینەمای
گەڕۆک نمایشی چەند فیلمێکی سینەمایی کوردیی دەکا.
 بەهەوڵی
دڵسۆزان و بەگیانی خۆبەخشی فەرمانبەران و هونەرمەندانی بەڕێوەبەرایەتی
هونەری سینەمای سلێمانی و بەسەرپەرشتی (رێبوار هەورامی )و بەیاوەری (
ئـــــازاد سـەوزە) و ( هەرێم نوری) و ( نەبەز حەمەشکور) لیژنەی
سەرپەرشتی و تەکنیکی سینەمای گەڕۆک ، دوور لەهەستیاری و خۆ
بەماندووزانین ، لەسەر داوای ( بەڕێوەبەرایەتی چاکسازی منداڵان و ژنان
لەسلێمانی) سینەمای گەڕۆک و نمایشی فیلمە سینەماییە کوردییەکان
بگەیەنێتە بەر چاوو دیدەو هزری ئەو مرۆڤانەی ناهەموارییەک و قەدەرێک
خستوونیەتە نێو ئەو چاکسازییانە ، (سینەمای گەڕۆک ) دەستی بەکارەکانی
کرد لەو بەڕێوەبەرایەتیانە و بۆ ماوەی ٣ سێ رۆژ بەردەوام بوو .
بەمەبەستی هەوڵدان لەچاکسازیکردن لەهزرو هەناوو دڵ و ده‌روونی کەسانیک
کەقەدەری شاراوە خستوونیەتە نیو بەڕێوەبەرایەتییەکانی چاکسازی و
لەپێناو که‌مکردنه‌وه‌ی پاڵه‌په‌ستۆی ده‌رونی و هیوا به‌خشین بەوکەسانە
بۆ گه‌ڕانه‌وه بۆناو کۆمه‌ڵگه . رۆژی ١٧ / ١٢ / ٢٠١٥ ، کاتژمێر ( ١٠دە
سەرلەبەیانی) بۆ بەشەکانی (چاکسازی مێرمناڵان و تازەپێگەیشتوان
لەسلێمانی ) فیلمی ( بێکەس ـــ دەرهێنانی کارزان قادر) نمایشکرا و
کاتژمێر ( ١،٣٠ی پاشنیوەڕۆ) هەمان فیلم نمایشکرا بۆ (هۆبەکانی چاکسازی
لاوان لەسلێمانی ) هەروەها کاتژمێر ( ٣ سێی پاشنیوەڕۆ ) فیلمی( بێکەس
ـــ دەرهێنانی کارزان قادر) بۆ (بەشی چاکسازی ژنان لەسلێمانی) نمایشکرا
.
فیلمەکە هەنسکی قوڵی دروست کرد و کەسانێکی گریان و زۆرێک
لەئامادەبوانیش لەگەل گرتەو دیمەنە پێکەنین ئامێزەکاندا بوون
بەهاوسەفەری ئەو تولەرێگایانەی دەیبردنەوە بەردەم خەونە جوانەکانی
مناڵی و ئاوڕیاندایەوە لەرابردووی خۆیان ، لەسۆنگەیەوە دوای تەواوبوونی
نمایشەکانی فیلمەکە و بەهەوڵ و لەخۆبووردەیی بەڕێوەبەران و توێژەرانی
کۆمەڵایەتی لەو بەڕێوەبەرایەتیانە راپرسی کرا لەنێو ئامادەبواندا
سەبارەت تێگەیشتن لەفیلمەکەو ئاستی چیژوەرگرتن و تێگەیشتن لەپەیامی
فیلمەکە ، خۆشبەختانە ٩٧،٧ % ئامادەبوان بەبەڵێی تێگەیشتن و چیژوەرگرتن
وەڵامیان دایەوە . فیلمەکە بەجیا بیروبۆچوونی جیاوازی ئامادەبووان و
کەسانی نێو ( بەڕێوەبەرایەتی چاکسازی مناڵان و ژنان لەسلێمانی)ی بەدوای
خۆیدا هێنا ، ئەم دیمەنانەش مایەی تێڕامان و هەڵوێستە کردنبوو لای
لیژنەی سەرپەرشتی سینەمای گەڕۆک .
چالاکییە سینەماییەکانی ( سینەمای گەڕۆک ) لە رۆژی ١٨ / ١٢ / ٢٠١٥ ،
کاتژمێر ( ١٠دە سەرلەبەیانی) بۆ بەشەکانی (چاکسازی تازەپێگەیشتوان
ولاوان لەسلێمانی ) فیلمی (١٠ دە چـــرکە ـــ دەرهێنانی ئاکۆ عەزیز)
نمایشکرا و کاتژمێر (٣ سێی پاشنیوەڕۆ ) هەمان فیلم نمایشکرا بۆ (بەشی
چاکسازی ژنان لەسلێمانی) . رۆژی ١٩ / ١٢ / ٢٠١٥ ، کاتژمێر ( ١٠دە
سەرلەبەیانی) فیلمی (هــیوا ـــ دەرهێنانی : سەردار خەلیل ) نمایشکرا
بۆ بەشەکانی (چاکسازی مێرمناڵان و تازەپێگەیشتوان لەسلێمانی ) ،
کاتژمێر ( ١،٣٠ی پاشنیوەڕۆ) هەمان فیلم نمایشکرا بۆ (هۆبەکانی چاکسازی
لاوان لەسلێمانی ) هەروەها کاتژمێر ( ٣ سێی پاشنیوەڕۆ ) فیلمی (هــیوا
ـــ دەرهێنانی : سەردار خەلیل ) بۆ (بەشی چاکسازی ژنان لەسلێمانی)
نمایشکرا .
پێویستە ئاماژەبکرێت بەوەی کە فیلمەکان لەلایەن لیژنەی تایبەتی و
توێژەرانی کۆمەڵایەتی لەبەڕێوەبەرایەتی چاکسازی مناڵان ولاوان و ژنان
لەسلێمانی پێشتر بینرابوون و رەزامەندی و پەسەندی نمایشکردنیان لەلایەن
خۆیانەوە وەرگرتبوو.
azadsawza@yahoo.com
|
