٢٥\٦\٢٠٢٢

   وەک تۆ تەنهایە ئاسمان!!

ئەرسەلان مەحمود

١
ئــاسمـان و
ئەستێرەکان، لێرەن!
ئەوانەی دێن و دڕۆن،
لە پیـاسە نـاکـەون،
هەورەکانن!

٢

ئـیرەیی
بـە هەورەکـان نابم،
کاتێک ئاوێزەیی تۆ دەبینم
لە هەورە تەڕەکەی
دڵمدا!

٣
تۆۆ
ئـاسمانیت و
هەورەکانیش
نـەسەرەوتن،
نـەخەوتن لە
مندا!

٤
ئـاسمانی
بێ هەور،
باخچەکە
بێ گـوڵ،
وەک دڵی
من، بە بێ
تــۆۆۆۆ!

٥
کاتێک
سەیـری ئـاسمان دەکـەم،
بــەرچـاوم ڕوون دەبێتەوە،
تێدەگەم ئەوەی لە سەرووی
هەورەکان ئەدرەوشێتەوە،
تۆیت!

٦
لەوەتەی
خەون دەبینم،
هەورێک بە باوە دەیبا،
ئەستێرەیی تۆ
نەبێت!!

٧
گــرینگی
بـە هەورەکـان نادەم،
کـاتێک پێکـەوەین و
تۆ هەی!

٨
هەورەکان
زۆر و بۆرن،
بەڵام وەک
تۆ تەنهایە،
ئاسمان!

٩
هـەمـووان
شتێکـمان هەیە،
ئـاسمـان هەور و
منیش تۆ!

١٠
ســەرم
لــە هەورەکاندا نییە، بەڵام
تـۆ بوویتە بارانێکی خۆش
لە مندا!

ماڵپه‌ڕی ئه‌رسه‌لان مه‌حمود