په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١٥\٤\٢٠١٤

خەندەقەکەی بارزانی رووی هەرچی خیانەت هەیە سوورکرد.

تاریق یوسفی     


لەوەتەی کورد هەیە شۆڕش و بەرخۆدان هەبوەو بەردەوام لە تێکۆشان بوە بۆ دەستەبەر کردنی مافە ڕەواکانی خۆی، لەهەمانکاتیشدا لەوەتەی تێکۆشان وشۆڕشی کوردان لە جموجۆڵدابوەوهەیە خەتی خیانەت و تەسلیم بوون و جاشایەتیش هەبوەوهەیە . لە شۆڕشە یەک لەدوای یەکەکانی کوردستان ئەگەر سەیر بکەین دەبینین کە زۆر جار مرۆڤی کورد خەڵەتێنراوەو کاری لە سەر کراوە بە نرخیکی هەرزان کەرامەت و شەرەفی نیشتیمانی خۆی بفرۆشێت ودژی گەلی خۆی و نیشتیمانی خۆی شەڕی پێبکەن و بەکاری بهێنن.


داگیرکەران هەوڵیان داوە باش کورد بناسن و بە پێی ناسینی کوردانیش پڕۆژەکانیان جێبە جێ دەکەن، دوژمنانی ئیمە زۆر بە وریای و زانابوونەوە لە کوردان نزیک دەبنەوەو خەتی دەستەمۆکردنی کوردانیان دەسنیشان کردوە، مێژوی کورد پڕاوپڕە لە غەدروخیانەت لە شکست وخۆخۆری لە بەرژەوەند ویستی وتاک ڕەوی لە هەمانکاتیشدا مێژومان سورە لە دەستکەوتی نەتەوەی لە بەرخۆدانی واتاداروبە شکۆلە خۆڕاگریوبەرخۆدان لە ئیسراروکۆڵنەدان.


گوتەیەکی ڕێبەرئاپۆهەیە دەڵێت ئێمە لە نێو پەکەکەدا لە هەمووشتێک دەبورین تەنها شتێک کە شایەنی بوران یان لێبوردن نیە ئەوەیە کە مرۆڤی کورد هەوڵی خۆ پێش خستن نەدات وڕاستی خۆی نەناسێت ولە کەسایەتی کوردی کلاسیک دا بمێنێتەوە.


ئەم وتە بە نرخە ئەوەمان پێدەڵێت کە کوردی کلاسیک ئەو کوردەیە کە دوژمن قاڵبی کردوەو وەک ئەوەی خۆی دەیەوێت کۆک و سازی کردوە. کوردی کلاسیک تێر بونی زگی لای ئازادی و شەرەفو کەرامەتە، بۆ تێربونی زگیان وایان ڕاهێناون کە خیانەت لە هاوڵاتی و نیشتیمان بکەن وبۆ چەن قروشێک ئامادەی خیانەت بن.
ڕێبەرئاپۆ بۆ دەڵێت پێویستە مرۆڤی کورد خۆی بناسێت و لێگەرێن بکات بۆ حەقیقەتی خۆی ؟ چون دەزانێت ئەو کوردانەی گەیشتونەتە پلەی خۆ ناسین وەک دار بەڕو وان سفت و خۆڕاگرو بە ریشە ، کوردی ڕاستەقینە وەک بەڕێز سالح موسلم دەڵێت گڵای داران دەخۆن بەڵام تەسلیمیەت قەبوڵ ناکەن ، ئازاری برسیبون دەکێشن بەڵام بێشەرەفی و بێ کەرامەتی قەبوڵ ناکەن. کوردی حەقیقی نە مادە و نە نان ونە دەستەڵات توانای نیە کەسایەتیان داگیربکات، کوردی ڕاستی یەک هێڵی پێش گرتوەو تێکۆشانیش دەکات بۆ یەک هێڵ ئەویش گەیشتن بە سەربەستی و ژیانێکی سەربەرز بۆ گەلەکەیان.


کوردی دەستەمۆو ناڕاست ئەوانەی کە تەنیا وە تەنیا بە کوردی قسە دەکەن و جلی کوردیان لە بەردایە بەڵام کاتێک سەیری بیرو زیکروهەڵسوکەوتی دەکەی شەرم و چاوچنۆکی وخیانەت و خۆفرۆشی لێدەبارێت، کوردی ساختەودیل کامانەن ؟ ئەوانەی بۆ فەردەیەک ئارد ئامادەن ماڵ و موڵکی هاوڵاتیانیان بسوتێنن وبۆ دەست خستنی هەندێک پارە کەرامەت و شەرەفیان هەنجن هەنجن دەکەن.


کوردی ساختەودەستەمۆ عاشقی گەیشتن بە دەستەڵات و مادەیە بۆ گەیشتن بە دەستەڵات و مادەش چی پێویستبێت ئامادەیە بیکات ، مێژولە بیری نەکردوەو لە ئەرشیف دا ماوە بینیمان بۆ گەیشتن بە دەستەڵا پارتی دیموکرات چۆن رژیمی سەدام ئەو ڕژیمەی خۆی دەیان ساڵ لە گەڵی بەربەرەکانی دەکردو دەیان گەنجی دڵ پاک لە نێوڕێخراوەکەی ئەو دا کە بۆ کوردایەتی بە خەیاڵی خۆیان هاتبون بە دەستی سەدامیەکان گولەباران کران، ئەو سەدامەی نیوەی کوردی زیندوبەچاڵ کردو نیوەشی کیمیاباران ، ئەو سەدامەی رۆحمی بە منداڵی نێو لانکەش نەدەکرد وگیانی دەکێشان، بەڵی بینیمان کە بۆ ئەوەی دەستەڵاتی پارتی و بنەماڵە پارێزراو بێت پەنای بردە بەر خوێنرێژترین دوژمنی کوردوپۆستاڵی بۆگەنیانی هێنایەوە کوردستان بۆ کورد کوشتن و کورد قڕان کردن ئەوەش تەنیا لەبەرمانەوەی کورسی دەستەڵاتی قیزەونی خۆی.


بە داخەوە زۆرن ئەو مرۆڤە کوردانەی کە هیچ زانایان نیە بێجگە لە وەرگرتنی پارەی مانگانە بە قەولی خۆیان مەعاشی مانگانە نەبێت، لە پێناو مەعاشی مانگانەدا بە هەزاران مرۆڤ کۆیلە کراوەوئامادەیە توفەنگ لە سەر سینگی مرۆڤی کورد بنێت و هاونیشتیمانی خۆی خەڵتانی خۆی بکات.


سەدان ساڵە کورد خەبات دەکات بۆ ڕاکردنی سنورە دەستکردەکان ئەو سنورەی داگیرکەر بە زوڵم و غەدر میلەی بۆ داچەقاند و کوردی پارچە کرد، ئەو سنورەی هەزاران گەنجی کوردخۆیان کردە قوربانی بۆ نەهێشتنی وتێک دانی کەچی پارتی و بارزانی بەوپەڕی بێشەرمی و بێبەزەی بە چنگ تێی بەردەبن و جەستەی نیشتیمانم زامارو کۆڵەواردەکەن. ئەمەیە کوردی ساختە و تەسلیم کوردێک ئامادە بێت خاکی کورد پارچە بکات ، کوردێک گەلی کورد لە یەک داببڕێت، کوردێک سیاسەت لە داگیرکەروە وەربگرێت، کوردێک لە بیرو هۆشیدا دەستەڵات سەرەوەی بەرژەوەندی نیشتیمانی بێت بێجگە لەوەی بڵێن دەک ڕیسوابیت ئەمەیانت ئیدی خەیانەت نەبوو بەڵکوو ڕوی هەرچی خیانەتیشە سور کرد شتێکی دیکەم بۆی نیە.

 

ماڵپەڕی تاریق یوسفی

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک