|
|
|
٢٧\٤\٢٠١٤ (خەندەقی شەرمەزاریی) شەرمەزار دەکەین.
هەموو کوردێک باش دەزانێت کە هەڵکەندنی خەندەقەی نێوان باشوور و رۆژئاوای کوردستان و خەندەقەی نێوان کەرکوک و هەولێر.. لە لایەن کام دەوڵەتی ناوچەییەوە پیلانی بۆ کێشراوە و بۆ چ مەرام و مەبەستێکی گڵاو دایان رشتووە.. خۆ هەر ئێوەش (لیستی کەرکوکی کوردستانی)تان هەڵوەشاندەوە؟؟
هیوادارین لەم هەڵەیەتان پەشیمان ببنەوە و ئەم کارەتان رابگرن و داوای لێبووردنیش لە گەلی کوردمان بکەن.. ئەوەش بزانن تەنانەت بەشێکی هەرە زۆری ئەندامان و لایەنگرەکانی خۆشتان لەگەڵ ئەم کارە ناشیرینەتاندا نین.. ئێمە دژی هیچ حیزب و لایەنێک نین، بەڵام لە کارێکی قێزەوەنی وادا هەچ لایەنێک ئەنجامی بدا.. بێ دەنگ و بێ هەڵوێست نابین.. چونکە بێ دەنگی لە ناڕەوایی، تاوانە بەرانبەر بە رەوا.
کۆمەڵەی منداڵانی کورد لە نەرویج ٢٥\٤\٢٠١٤
|
|
|
سەرجەم
ئێمەی ئەندامانی کۆمەڵەی منداڵانی کورد لە نەرویج ـ کە کۆمەڵەیەکی بێ
لایەنین و سەر بە هیچ حیزبێک نین.. هەڵکەندنی خەندەقی نێوان کەرکوک و
هەولێر شەرمەزار دەکەین و بە کارێکی قێزەوەنی دەزانین.. مەخابین کە
خەندەقێکی نێوان دوو پارێزگای باشووری کوردستان.. لە لایەن لایەنێکی
کوردییەوە جێبەجێ دەکرێت.. کە هەرگیز ئەوەمان بە بیردا ناهات، کە
لایەنێکی کوردیمان بانگەشەی کوردستانی گەورە و دەوڵەتی کوردی دەکات و،
کەرکوک بە (دڵی کوردستان) ناودەبات.. کەچی کردارەکانیان بە پێچەوانەی
قسەکانیان و دروشمەکانیانەوەن و خواستە گڵاوەکانی دوژمنانی کوردمان
دەهێننە دی.. کەرکوک لە باشووری کوردستان دادەبڕن.
ئێمە
داوا لەو لایەنە کوردییە دەکەین گەر ئازا و بوێرن با بچن لە دامێنی
چیای حەمرین خەندەق هەڵبکەنن کە تیرۆریستان لەو سنوورەوە دێنە کەرکوک
و، تەقینەوە لە ناو گەڕەکە کوردییەکانی شاری کەرکوکدا دەکەن و تا ئەمڕۆ
بە دەیان کورد شەهیدبوونە.. نەک لە ناو کوردستاندا، بۆ مەرامێکی سیاسی
و بۆ بەرژەوەندییەکی تایبەتی و کاتی خۆتان بە هەڵکەندنی خەندەق
کوردستان پارچە پارچە بکەن.. ئەگینا خەندەقێکی وا نابێتە رێگر لە
بەردەم تیرۆریستاندا.. بەم کارە بێ جێ و ناشیرینەتان هەستی هەموو
کوردێکتان بریندار کردووە.. بە تایبەتیش کەرکوکییەکان.. ئەم کارەتان
دەبێتە پەڵەیەکی شەرمەزاری و لاپەڕەیەکی رەش بۆتان.