|
|
|
خوێنمژانی تاریکستان ده‌ستیان چووه خوێنی نه‌هله‌خان.
پێرێ دوژمنانی پێشکه‌وتنخوازیی و کۆمه‌ڵگه‌ی شارستانیی و مرۆڤایه‌تی ، تاوانێکی دڕندانه‌ی تریان به‌رامبه‌ر به ڕۆڵه‌یه‌کی به‌ئه‌مه‌کی گه‌له‌که‌مان و که‌سایه‌تی ناسراوی شاری که‌رکوک (نه‌هله حوسێن شاڵیی) کرد ، دوای ئه‌وه‌ی که چاودێریی ماڵه‌که‌ی ئه‌که‌ن و چوونه‌ده‌ره‌وه‌ی ئه‌ندامانی خێزانه‌که‌ی ، مرۆڤکوژان ئه‌چنه ماڵه‌که‌یه‌وه و به‌وپه‌ڕی دڕنده‌ییه‌وه شه‌هیدی ئه‌که‌ن.
نه‌هله‌خان بوو به ژماره پێنجه‌می شه‌هیدانی بنه‌ماڵه‌ی حوسێن شاڵیی تێکۆشه‌ر.
خوێنمژانی تاریکستان ، ئه‌بێت ئه‌و ڕاستییه بزانن که به‌و تاوانه دڕندانانه‌یان به‌رامبه‌ر به ئافره‌تان و چالاکانی کۆمه‌ڵگه‌ی شارستانیی و پێشکه‌وتنی مرۆڤایه‌تی ، ته‌مه‌نی کورتی خۆیان کورتتر ئه‌که‌نه‌وه و وره‌ی لایه‌ن و کۆڕ و کۆمه‌ڵه پێشکه‌وتنخواز و شارستانییه‌کان پته‌وتر ئه‌که‌ن.
نه‌بوونی سه‌روه‌ریی یاسا له کوردستاندا و پشتبه‌ستن به داب و نه‌ریت و شه‌ریعه‌ت و ده‌سه‌ڵاتی خێڵه‌کیی ، هۆی سه‌ره‌کیی ڕه‌شه‌کوژییه‌کانی ئافره‌تانه له کوردستاندا.
داواکارین له حکومه‌تی کوردستان که به زووترین کات کوژه‌رانی نه‌هله‌خانی کارمه‌ندی ڕاگه‌یاندن و چالاکی بواری ئافره‌تان و مافی مرۆڤ بدۆزنه‌وه و به سزای خۆیانیان بگه‌یه‌نن و سنورێک بۆ ڕه‌شه‌کوژیی ئافره‌تان له کوردستاندا دابنرێت.
نه‌مریی و سه‌ربه‌رزیی بۆ نه‌هله‌خان و شه‌هیدانی بنه‌ماڵه قاره‌مانه‌که‌ی نه‌مریی و سه‌ربه‌رزیی بۆ کاروانی شه‌هیدانی ئافره‌تان له سایه‌ی ده‌سه‌ڵاتی خۆماڵیی کوردستاندا! مردن و سه‌رشۆڕیی بۆ دوژمنانی مرۆڤایه‌تی و پێشکه‌وتنخوازیی
نه‌وزاد وه‌لی وته‌بێژی پارتی چه‌پی کوردستان له ده‌ره‌وه‌ی وڵات 19-12-2008
|
