|
١\٨\٢٠١٦
خۆین و جەستەى کەرکوکییەکان لە نێوان ماف و
ئەرکەکان.
سەڵاح حەمەئەمین
شاراوەنییە لەدواى نەمانى رژێمى لەناوچووى بەعس لە ساڵى ٢٠٠٣ دا
بەشێوەیەکى بەرنامە بۆ داڕێژراو کە تاوەکو ئەمڕۆمان بەردەوامە
زنجیرەیەک کردەوەى تیرۆرستى زۆربەى شارەکانى عیراقى بەکەرکوکیشەوە
کردووەتەئامانج ، لەوکردەوە تیرۆرستییانە کۆمەڵى خەڵکى سڤیل و بێ تاوان
شەهید و بریندار بوون کە ژمارەیان دەقاتى ئەو کە سانەن کە لە سلکە
ئەمنی و سەربازییە عیراقییەکاندا کاریان کردووە ، خەڵکى سڤیلى عیراق لە
بێ ئومیدییان لە دەسەڵاتدارانى عیراق دەستبەردارى داواکردنى پاراستى
ژیان و ماڵ و سامانیان وەک ئەرکێکى بەرپرسانەى ئەم دەسەڵاتەى عیراق
بوون و خۆیان دایە دەستى قەدەرى رەشى تیرۆرستانەوە ، وەک شاراوەش نییە
کارەکە لەو ئاستەشدا نەوەستا و گەیشتە ئەو رادەیەى دەسەڵاتدارانى عیراق
کۆمەڵى تەگەرەو گرفت بخەنە بەردەم هاوۆڵاتیان بۆ قەرەبوو کردنەوەى زیان
لێکەوتووەکانى ماددى و جەستەیی ئەو کردەوە تیرۆریستییانەى کە
رووبەروویان ئەبوونەوە . لەو سونگەیەوە ئیمە لەم نووسینەماندا هەڵ
ئەدەین ئاماژە بەلایەنێکى ترى ئەو نەهامەتى و کارەساتانە بدەین
کەرووبەڕووى عیراقییەکان بەگشتى و کەرکوکییەکان بەتایبەتى لەم دواییەدا
بووەتەوە ، ئەوەش پیک هاتووە لەو کارەساتە چەرگ بڕەى لەچەند رۆژی
رابووردوودا بەرۆکى کەرکوکییەکانى گرتووە ، ئەوەش پەیوەستە بەبارى
تەندروستى دانیشتوانى ئەم شارە و کە ئەوەش سادەترین مافی هاوۆڵاتیانە و
ئەرکێکى بنەڕەتی و حاشا هەڵنەگرتووى دەسەڵاتە لەدواکەوتووترین وڵاتانى
سەر گۆى زەۆى . ئەفسوس لەم رۆژانەى دواییەدا منداڵانى شارى کەرکوک
رووبەرووى چەند حاڵەتێکى نەخوازراو بوونەتەوە ئەوەش پیک هاتووە لە کیان
لەدەست دان بەهۆى دووپشک پیوەدانەوە و نەبوونى دەرزى دژە ژەهر لەهیچ
کام لەنەخۆشخانەکانى شارى کەرکوک ، ئەمەش بیگومان حاڵەتێکى ناڕەزایی
زۆرى لەناو هاوۆڵاتیانى ئەم شارەدا دروست کردووە ، وەک هەردەم ئەم
جارەشیان دەسەڵاتدارانى ئەم شارە بەهیچ جۆریک خۆینى هاوۆڵاتیانى بەلاوە
گرنگ نەبووە و بەبیانووى هەماهەنگ نەبوونى وەزارەتى تەندروستى عیراق
لەگەڵ پاریزگاى کەرکوک و هەروەها قەیرانى داراییەوە هەۆلى ئەوەى نەداوە
دەرزى دژە ژەهر بۆ هاوۆڵاتیانى ئەم شارە دابین بکات.
بەداخەوە وەک هەموو ئەو سەقەتییانەى بەرۆکى ئەم وڵاتەى گرتووە ،
دەسەڵاتداران بەردەوام داوا لە هاوۆڵاتیانى سڤیل ئەکەن ئەرکەکانیان
بەرامبەر بەوڵات و دەسەڵات و دام و دەزگاکانى حکۆمەت جێبەجی بکەن ،
بەڵام هەرگیزاو هەرگیز ئەو دەسەڵاتە بۆ چرکە ساتیکیش بیرى لەمافەکانى
هاوۆڵاتیەکانى نەکردۆتەوە ، ئەفسوس هاوۆڵاتیانیش لەلایەن خۆیانەوە لە
وڵاتێکى بی یاساو بی مافی هاوؤلاتى بوون درک بەمافەکانى خۆیان ناکەن و
کاربۆ دەستەبەرکردنیان بە ڕیکارە یاساییەکان ناکەن ، کەئەوەش مافێکى
رەواو حاشاهەڵنەگرى خویانەو دەتوانن لەرێگا یاساییەکان و دادگاوە سکاڵا
لەسەر وەزارەتى تەندروستى عیراق و فەرمانگەى تەندروستى کەرکوک
توماربکەن.
salah1325681@gmail.com
|
