|
٢٥\١\٢٠١٢
خزمەتى عەرەبە
بەعسیەکان لە لایەن عادل مەتەحیدە لە بەرامبەر چیە؟
بەرهەم عەبدوڵا
کزیی ئاستى چاودێرى و بەدواداچوون بۆ گرفت و
تەنگژە و ئاستەنگیەکان لە کوردستان بۆتە هۆکارى هەرە سەرەکى بۆ گەندەڵى
و تاوان و چەوساندنەوەى خەڵکى بەش مەینەتى ئەو ووڵاتە..
هەربۆیە مل ئەستوور و دەست درێژەکان رۆژانە یاسا دەخەنە ژێر
پێڵاوەکانیان.. ئەو نەهەنگانەى دزى و چەوساندنەوە بۆیان هەیە هەموو کار
و کاردانەوەیەک ئەنجام بدەن و سەدان جار ملى یاسا بشکێنن. وەلێ
پێیەکانیان دەشکێندرێت ئەگەر تەنها بۆ جارێکیش بە خراپ ناوى پارت و
حیزبەکەى بعێنیت..بەوە ئەوەمان بۆ دەسەلمێت کە ئێرە ووڵاتى پەرلەمان و
حکومەت نیە بەڵکو ووڵاتى حیزبەکانى گۆڕەپانى دزى و چاوسوورکردنەوەیە....
ئەوەتا گەورە بەعسى و دز و پیاوکوژێکى وەکو دکتۆر روژدى سەعید جافى
دەستە راستى عودەى کورى سەدام بە ناوى بازرگانى و کۆمپانیاى عادل
موتەحیدە لە نێو گوندى ئینگلیزى شارى هەولێر و لە ده‌ه ڤێلادا
مۆلگەیەکى بۆ بەعسیەکان دامەزراندووە و لەوێ پیاوانى ڕژێم کۆدەبنەوە و
جگە لە نوێکردنەوەى یادگاریەکانیان لەگەڵ سەدام و عەلى حەسەن مەجید لە
هەوڵدان بۆ یارمەتیدانى هەموو بەعسیەکانى شارى موسڵ و بەغدا.
بە جۆرێک هەموو هەوڵیان خستۆتە گەڕ بۆ بە زیندوو هێشتنەوەى شوێنەوار و
رەنگ و بۆى بەعسیەکان لەو ووڵاتە..
هەربۆیە هەربەو پارەیەى کە وەکو میرات لە عودە و قوسەى کوڕى سەدام
حوسێن بۆى ماوەتەوە ، دکتۆر روژدى سەعید و سامى جافى براى بە بەرنامە و
هەنگاو بەهەنگاو لە هەوڵدان بۆ دروستکردنەوەى زەمەنى پڕ لە شانازى
خۆیان لە خزمەتى بەعسیەکان. بۆ ئەو کارەش پشتیان بە چەند بەعسیەکى زۆر
ناودار و خاوەن پێشینەو جێگەى متمانە بەستووە..لەوانە هونەرمەندى
تایبەتى حیزبى بەعس و بۆنەکانى بارزان تکریتى و عەلى کیمیاوى (سەڵاح
عەبدولغەفور) و (وەلید ئەنوەر) ى پەیامنێرى رۆژنامەى بەعس ریازى و براى
بەڕێوبەرى ئەمنى بەعسیەکان و ڕاپۆرت دەرى دەزگاى موخابەڕات و ئەندام
لقى حیزبى بەعس بووە لە هەولێر.
لەگەڵ تەواوى ئەو کارمەندانەش کە لەو کۆمپانیایە کاردەکەن پێشینەى کار
و خەباتیان لەگەڵ بەعسیەکان هەبووە و بە هەموو رێگایەک لە هەوڵدان بۆ
یارمەتیدانى هونەرمەندە بەعسیەکانى وەکو حوسام رەسام و یاس خزر و
سەعدون جابر و یاریزانە بەعس پەرستەکانى هەڵبژاردەى عێڕاق.
لەگەڵ هەموو ئەوانەش دەزگاى ئاسایش و پاراستن لە شارى هەولێرى خۆشەویست
کە ئەرکى دابین کردنى ئاسایشى هەولێر و ناوچەکەیان لە ئەستۆیە رۆژێک لە
روژدى سەعیدیان نەپرسیووە هۆکار چیە بۆ کۆکردنەوەى هەموو ئەو بەعسیانە
لە شارى هەولێر..؟
barhamxoshnaw@yahoo.com
|
