(3)

ئه‌یانه‌وێ که‌مێ پشوو بده‌م

له‌خۆشه‌ویستی..ڕۆژی یه‌کشه‌مه‌

ئه‌ی کێ ووتی

من هیلاکم له‌وه‌ی له‌عیشقا بمرم و

ده‌ستم کێشاوه‌ته‌وه‌ له‌سه‌مای سه‌ر کڵپه‌

ئه‌ی چۆن به‌رنامه‌ڕێژی دڵم بکه‌م

تا خۆشی نه‌وێیت..ڕۆژی یه‌کشه‌مه‌

ئه‌ی چۆن زارم فێری ئه‌وه‌ بکه‌م

ماچت نه‌کا..ڕۆژی یه‌کشه‌مه‌ و

سه‌برم ڕاهێنم به‌سه‌بر

ڕۆژی یه‌کشه‌مه‌

وه‌چۆن به‌شیعرم بڵێم

چاوه‌ڕێم که‌م،تاکو دوای ڕۆژی یه‌کشه‌مه‌

که‌ئه‌و ڕۆژه‌ی تێیدا نه‌تبینم

زه‌بوونه.

‌

(4)

زۆر..خۆشم ئه‌وێی

وه‌ڕاره‌ ئه‌بم ، ئه‌و ڕۆژه‌ی

ڕاچڵه‌کینێ به‌رپانه‌که‌ی له‌ژیانماو

کوده‌تایه‌ک به‌سه‌ر شیعرما

وه‌گڕ به‌رنه‌ده‌یته‌ ووشه‌کانم.

(5)

زۆر..خۆشم ئه‌وێی

ئه‌وه‌ش ئه‌متۆقێنێ که‌چرکه‌کان

تێپه‌ڕن و ئاوریشمی ده‌ستت

 نه‌که‌م به‌سه‌رین و

له‌سه‌رگۆی مه‌مکه‌کانت

کۆتر ئاسا ، هه‌ڵنه‌کوڕمێم

وه‌به‌تیشکی مانگ..خۆم نه‌شۆم

دووانت شیعره‌و

بێ ده‌نگیت شیعر

خۆشه‌ویستیشت ، بروسکه‌ ئاسا

به‌نێو ده‌ماری خوێنما ڕائه‌کاو

گورز ئه‌وه‌شێنێ

چون قه‌زاو قه‌ده‌ر.

  یولیی 2008