|
١٦\٨\٢٠١٠
یاداشتنامەیه‌ک
ده‌رباره‌ی
کردنه‌وه‌ی زانکۆی گه‌رمیان.
بەرێز وەزیرى خوێندنی باڵا..
دواى ئەوەى خەونی کردنەوەى زانکۆى گەرمیان لەلایەن رێزدار سەرۆکی
حکومەت و هەوڵەکانی ئێوەوە کرایە واقیع ، کێشەى ئەو کەسەى پۆستی
سەرۆکایەتی زانکۆکە ئەگرێـتە دەست بووە مایەى گفتوگۆ و نیگەرانی ئەو
کەسانەى کە پێشتر پەرۆشى کردنەوەى ئەم زانکۆیە بوون . ئەوەبوو چەند
ڕێکخراوێکی NGO ى ناوچەى گەرمیان بەهاوکارى ژمارەیەکى بەرچاو خوێنکارى
زانکۆ و پەیمانگا هەستان بە سازدانی راپرسیەک لەناو خوێندکاران و
کۆمەڵێک لەمامۆستایانی کۆلیژەکانی ناوچەى گەرمیان ، ئەنجامی راپرسیەکە
ئەوەى دەرخست کە لەناو خوێندکاران و مامۆستایانیشدا نیگەرانی و ترسێکی
زۆر هەیە لەوەى بەرێز ( د. بەهرۆز جاف ) راگرى پێشوى کۆلیژى پەروەردەى
کەلار ببێـتە سەرۆکی زانکۆى گەرمیان . بێگومان ئەو ترس و نیگەرانیەیش
کە بەرامبەر دانانی (د. بەهرۆز ) هەیە بێ هۆنیە ، بەڵکو دەگەڕێتەوە
بۆئەوەى کە ناوبراو ئەزمونێکی شکستخواردوی لە راگرایەتیکردنی کۆلیژى
پەروەردەى کەلاردا هەبووە ، هەر لە بێزارکردنی مامۆستایان و
فەرمانبەران و خراپ مامەڵەکردن لە گەڵ خوێندکاران و چاندنی تۆوی
دووبەرەکی و بێمتمانەیى لەنێو مامۆستایان و خوێندکاراندا ، هەروەک
ئاگاداریشین لیژنەى پەروەردە و خوێندنی باڵاى پەرلەمانی کوردستان بە
وردی ئاگادارى گیرۆدە بونی کۆلیژەکە بوون بە دەست ئەم بەڕێزەوە و
راپۆرتێکی وردیان بۆ ئەو مەبەستە ئاراستەى وەزارەتی خوێندنی باڵا
کردووە ...
بەڕێزان : دوا هەڵوێستی کاندیدەکەى پۆستی
سەرۆکی زانکۆى گەرمیان هەڕەشەى کوشتن و رفاندن بووە لە چالاکوانێکی
بوارى ڕێکخراوەکانی کۆمەڵگاى مەدەنی ، تەنها لەبەر ئەوەى بەشدار بووە
لە ئەنجامدانی راپرسیەکەدا ، لێرەوە جێى خۆیەتی بپرسین کادیرێکی
پەروەردەیى کە هەڵوێستی لەو شێوەیەى لێ بوەشێتەوە ، ئەشێت چ بەشداریەکی
هەبێـت لە بونیادنانی ئەو زانکۆیەى چەندین ساڵە گەرمیانیەکان خەونی
پێوە ئەبینن .هەر بۆیە داواکارین لەبەرێزتان لە دامەزراندنی سەرۆکی
زانکۆى گەرمیاندا رەچاوی ئەو ترس و نیگەرانیانە بکەن کە لەناو خەڵکی
گەرمیاندا بەرامبەر ئەم کاندیدەى پۆستەکە هەیە و هەوڵ بدەن کەسێکى
بۆدامەزرێنن لە ئاستی خولیا و ویسته‌کانی
وەزارەتەکەى بەڕێزتان و خوێندکاران و
مامۆستایانی زانستدۆستی ناوچەکەیشدا بێت .
ناوی ئەو ڕێخراوانەى یاداشتەکەیان واژۆ کردووە:
1- کۆمەڵەى خوێندکارانی کوردستان – لقى گەرمیان .
2- یەکێتی گشتى قوتابیانی کوردستان – لقى گەرمیان .
3- رێکخراوی گەشەپێدانی قوتابیانى کوردستان - لقى گەرمیان .
4- یەکێتی لاوانی دیموکراتی لە کوردستانی عێراق - لقى گەرمیان .
5- رێکخراوی قوتابیانی کوردستان ناوەندی گەرمیان .
6- کۆمەڵەى ئافرەتانی کوردستان - لقى گەرمیان .
7- کۆمەڵەى پەیامی گەرمیان .
8- رێکخراوی مامۆستایانی پیشەیى - لقى گەرمیان .
9- گروپی بەگژاچونەوەى گەندەڵى لە گەرمیان .
10- گروپی گەنجانی بوێر .
|
