|
٢٥\٣\٢٠٢٠
یادنامەی
کەرەنتینکراوێکی بەزۆر!
عەبدوڵا ساڵح
زوربەمان بەناچاری خانەنشینکراوین بەدەست کۆرۆناوە و کونجی قەناعەتمەن
گرتوە لە ماڵەوە ، با منیش ئەو پرسیارەتان بخەمە بەردەم بۆ، لانی کەم
مێشک مەشغوڵ کردن و کات بەسەربردن وە یا بۆ ھەندێک بیرکردنەوەیەکی
لۆژیکی .
کاتێک بەناچاری دەبێ ماڵ جێ نەھێڵی لەترسی کۆرۆنا، بەناچاریش زۆر
یاداوەری ژیانت وەک فیلم دێتەوە بەرچاو، یاداوەریەکانیش کاتێک تێکەڵ
دەبن بە ھەواڵ و دەنگ وباسی کۆرۆنا ، ئەوانیش بە نۆبەی خۆیان بیرۆکەت
لەلا دروست دەکەن، یەکێک لەو بیرۆکانە کە ئەمڕۆ بە مێشکمدا ھات لە
ھەواڵەکانی وڵاتی سعودیەوە سەرچاوەدەگرێ .
ھەواڵەکە ئاژانسی دەنگوباسی ئەنادۆڵ دوێنێ ٢٠ / ٣ / ٢٠٢٠ بڵاوی
کردۆتەوە ئەوەش دەقەکەیەتی بە عەرەبی :
(ڕعلنت السلگات السعودیە، الخمیس، تعلیقھا التواجد والێلاە فی ساحات
الحرمین الشریفین ابتداء من الجمعە)
کوردیەکەی ئاوایە : دەسەڵاتدارانی سعودیە ڕۆژی پێنجشەممە ڕایانگەیاند
ئامادەبوون ونوێژ کردن لە مەیدانەکانی مەسجید ولحەرام و مە سجید
ئەلنەبەوی "ھەردووک حەرەمی پیرۆز " لە ڕۆژی ھەینی یەوە واتە ٢٠ / ٣ /
٢٠٢٠ ڕادەگیرێ .
من پێم وایە ئەم کارە پێچەوانەی دەقەکانی قورئانە کە لە سوڕەتی ئالی
عومڕاندا لە ئایەتی ٩٦ / ٩٧ دا ھاتوە دەڵێ :
(ومن دخلە کان آمناً) واتە ھەرکەسێک ھاتە ناوی، مەبەست مەککەیە ، لە
ئەمن وئاسیش و ھەموو ترسێک بەرخوردارە، یا پارێزراوە ! وەیا لە سوڕەتی
فەتح ئایەتی ٢٧ دا دەڵێ : (لتدخلن المسجد الحرام انشاءاللە آمنین) واتە
:دێنە ژوری مەسجید ولحەڕام بە ئەمن و ئەمان کە خوا بیەوێ .
بەگوێرەی ھەردووک ئایەتەکە و ئایەتی تریش لەبارەی ئەمن وئەمان لەو
شوێنە ، دەبوو ڕێگا بە خەڵکێکی زۆر بدری ، لانی کەم بە دانیشتوانی
سعودیە، بۆ خۆپاراستن لە بەڵای کۆرۆنا پەنا بۆ مەککە بەرن چو‌نکە لەوێ
ژیانیان پارێزراودەبێ لە ھەموو دەر و بەڵایەک ، ئەویش بەگوێرەی ئایەتی
قورئان ! بەڵام بۆ دەسەڵاتدارانی سعودیە ئەو کارە ناکەن وپێچەوانەی ئەو
ئایەتە ڕەفتار دەکەن ؟ پرسیارێکە دەیخەمە بەر دەم ئێوە !
٢١\٣\٢٠٢٠
a_salih11@hotmail.com
|
