یاسای ڕۆژنامه‌گه‌ری

یان .. شه‌ونامه‌گه‌ری.

                                             به‌ندی عه‌لی  

قه‌ڵه‌م ووتی

بۆ له‌مه‌و دوا

په‌نجه‌کانی ده‌ستی ڕاستت

مه‌ئاڵێنه‌ له‌که‌مه‌رم

نه‌وه‌ک ڕه‌قیبێکی چاو زه‌ق

بمانبینێ و واتێ بگات

باسی داب و نه‌ریت ئه‌که‌ین

یان نهێنیه‌کانی نه‌ته‌وه‌

هه‌راج ئه‌که‌ین

کاغه‌ز ووتی

توچاوی ئازیزه‌کانتان

لێم گه‌ڕێن و

هێنده‌ ڕه‌شم مه‌که‌نه‌وه‌

ئه‌ڵێن گوایه‌ بۆ له‌مه‌ولا

هه‌ر کاغه‌زێ

نوقته‌یه‌کی ڕه‌شی تیابێ

تاوانباره‌و

ڕه‌نگه‌ بیده‌ن له‌سێ داره‌

چاویلکه‌که‌م قریشکانی

ده‌فڕێمده‌

چاوت که‌هێنده‌ بێتینه‌

قه‌یدی چیه‌

شه‌وی زیندان

چ پێویستی به‌بینینه.

      ئه‌لمانیا