|
|
|
٦\٤\٢٠٢٥ ز ێدی رۆژ ! دارا خونچە
ئەز لە ترۆپکی شاخە سەرکەش و سەرچڵەکانی زێدی رۆژڕا داخزیمە پێدەشتە کاکی وە کاکییەکان.. کاتێ چاوانم وە جیهانێ پشکفتن
زۆرم تێچوو زۆرم لێچوو تا لە نۆژەن لەدالکبووم تا نهێنیی 'جودایی گون و گێزەر'م ئاشکەراکەرد! زۆرم پێچوو زۆرم تێچوو زۆرم لێچوو تا وەک پێشمەرگە داڕسام تا توخم و تۆرەی یەکسانییم لە نێو لەپانم هەموارکەرد! زۆرم پێچوو زۆرم تێچوو زۆرم لێچوو تا ڤینم رێک وەک خۆی ناسی تا خوام لە ناخم وەدەرنا و وە باوەشی ژیان و ژنان ئاشتبوومەوە! زۆرم پێچوو زۆرم تێچوو زۆرم لێچوو تا توندوتیژیی و لاساریی نێرینان و نەرمونیانیی و ملکەچبوونی مێینانم لێکهاڵاندن و لەبنوبۆتکەوەم دەرهانین! زۆرم پێچوو زۆرم تێچوو زۆرم لێچوو تا یەک دەرفەتم قۆستەوە تیغ و تەورانم بەرزەفت و باغەوانانم رایی کەرد: 'باغ هیچ یاسا و رێسای نییە تەنێ خۆزا و خۆڕسکییە'! هەنووکانێش لە پێناوی هاوسەنگکەردەنی گەردوون و رادەستکەردەنی 'ماف وە مافداران' رۆژانە دەیان دیدەنییم وەل رووەک و گیانداران هەس شەوانەش بێهەژمار ژوان وەل یاران و رۆشنگەران! ئەز لە شاخە سەرکەش و سەرچڵەکانەوە داگەڕام تا لێوانی ژیان و کۆشان لەماچبگرم لەتەک ژیاریش بەرەو رۆشانیی وەرگەڕم بەرەو بەرزایی هەڵگەڕم بەرەو زێدی رۆژ وەگەڕم!
سەرەتای نیسانی ٢٠٢٥
|
|
|
زۆرم
پێچوو