|
١٧\٢\٢٠١٠
زەڤلەگێن مە کوردا
ئاسنى ب سارى دچەمینن
لێ مێشکێ مە هێزا روناهیا فانوسێ نینە.
عه‌بدوڵا قادر بەربیرى
دبێژن شورەشا هزرى تەمام کەرا شورەشا چەکدارى یە ، ئاڤاکرنا کەسایەتیا
تاک پشتى لژێر سیستەمێ شوفى نى رزگار دبیت پێدڤى ب ئاڤارکرنا شەنگستەیا
درۆست هەیە، کو ب فاکتەرێن نەتەوایەتى و وەلات پارێز ودادپەروەرانە ل
گور ئارستە سیاسەتا شورەشێ ببنە رێ نیشاندەر ژ بو جەماوەرى، ئانکو
ئاڤاکرنا کەسایەتیا (جیلێ) سەرهلدانێ و گوهرینا سیستەمێ فکرى دوەلاتێ
مەدا دوهى بەرى ئەڤرو کە ،ئەڤرو بەرى سوبەهى پێدڤى ب چەند بیرمەند و
دەرون ناسێن ئەکادیمى هەیە، راستە لاوازیا کەسایەتیا تاکێ کورد، کەسەک
خوشى باوەریان ژى نێزیک باوەرە، ئەڤ ساخلەتە ژى بێ شک دۆژ منێ ب
زانەنیێن دناڤ چڤاکێ کوردستانێ دا چاندیە، ژبو مەرەمێن دەستهەلاتى و
ئاڤاکرنا کەسایەتیەکا لاواز دناڤ تاکى کورد دا دبێژن زەڤلەکێن کوردا
ئاسنى ب سارى دچەمینن لێ مێشکێ وان هێزا فانوسێ نینە،ئەرێ گەلو ئەڤ
گوتنە راستە؟
بەرى دەمەکى ل روژناما ئەڤرو ل سەردەمێ
حەفتى نامێ من بەحسى دوو گوندا کربو ل دەڤەرا بەردەرەش کو تاکو ئەڤرو
ناڤێ وان هەردوو گوندا ئێک قادسیا کەورەیە ئێک قادسیا کچکەیە، ئەڤروکە
دێ بەحسىئەڤان وێنێن ل سەرى دیارکەم ، کو چەند ئاڤاهى یەکێن میرى نە ل
دەرگەهێ دهوکێ دانە، هەر کەس ولایەنەکێ قەستا دهوکێ بکەتن بەرى
بخێرهاتنێ چاڤێ وى ب ڤان وێنا دکەڤیت، وێنە ژى دوو چارگوشێن ل هەڤ
سیارن ، ئەو ژى هێمایەکێ کەڤنێ عەفلەقى یە رامانا هەر هەشت پیتێن
دکتاتورێ گور بەگور (ێ .د.ا.م ح.س.ی.ن) نە، ئەڤروکە مەیێ کریە بەندکێ
سۆرو زەر ب دەرێ هومبانگێ ڤە، هەروەسان ئەڤ هێمایە ب چەندین بەرژان و
دیوار و دەرگەهێن سازێن میرى ڤە دیارە و تاکو نوکە کەسەکێ هزر ل
گوهورینێ نەکریە، هەرچەند ئەڤەبو 19 سالانە پشتى سەرهلدانێ روژانە ل
بەرچاڤێن کەسێ تاکى کوردە لێ هزرتێدا نەهاتیە کرن،بەعسى یا دگوت ئیراقى
هەمى بەعسى نە بلا ئەگەر فورم ژى نەداگرتبیت، هیمایێ دکتاتورەکێ چەندى
دروندە لێ مێشک ژێ یێ بێ ئاگەه و ڤەمریە، هێمایێ موساى دوو سێ گۆشەیێن
ل هەڤ سیارن مینا ستێرەکا شەش گوشەیە ئەڤە چەندین سەدەیە جوهێ یا
پارستى، وچارتاکێت سەرنوخین یێن خاچا هتلەرى و هەردوو چارگوشێن ل هەڤ
سیارمینا ستێرەکا هەشت گوشەیە ل سالێن 80 دا ل سەرانسەرێ ئیراقێ بگشتى
و کوردستانێ بتایبەتى عەفلەقى یا ل بارەگایێن خۆ ب شێوەکێ بەرچاڤ ل
بارەگایێ حزبا پەعس بلند دکر ول سەر سیاج و دەرگەهێن (شوعیا وفرقێن)
شوفینی دنەخشاندن.
ئەڤروکە جهێ داخێ یە ئەڤ پاشمایێن هیماى ل دهوکێ دهێنە دیتن و هێشتا
کەسەکى دەست لىچ نەدایە بەلکو ل گەلەک جها هاتیە کوپى کرن ،هەر وەکى ل
هنداڤى دەرگەهێ زانکویا دهوکێ کە بلنترین پیچگەها زانست و زانینێ و
روشنبیریێ یە ودیسان ل بەر دەرگەهێن دەزگەهێن ئەمنى ب رەنگ و شیچوازێ
گولدانکێن ل سەر جادە و شەقامان سالانە دهیچنە بویاغکرن و سەخبیرکرن ،و
تاکو روژامەیا ئەڤرو وەزارەتا بازرگانى یا ئیراقا فیدرال لسەر پلێتێن
ئاهێن خارنێ دهەمى ستونێن ئەرزاقى دا نەخشاندیە و یاژ هەمیا وێرانتر
رێڤەبەریا بەلاڤکرنا گازىچ ل پاریچزگەها دهوکێ لسەر پلێتێن دابەشکرنا
پانزینى و گازاسپى ژى هەیە دهەر مالەکا دهوکىچ ڤە بەرجاڤ دکەڤیت.
abdullahbarbiry@yahoo.com
|
