زۆریى کتێب و نەبوونى خوێنەر         

وا لە دەزگاکان دەکات نرخى کتێبەکان دابشکێنن
 

  :ئامادەکردنى.راپۆرت

      شوان سه‌دیق     

سەرلەبەیانى ڕۆژى چوارشەم بەروارى 26/3/2008

دەزگاى ئاراس پێشانگایەکى کتێبى لەژێر ناونیشانى

کتێب باشترین هاوەڵى ڕێگەى ژیانە،لە هۆڵى میدیاى

شارى هەولێر کردەوە ، بە باشمان زانى لەکردنەوەى

:ئەم پێشانگایە ریپۆرتاژێک ئامادە بکەین
 

سەرەتا. بەدران ئەحمەد حەبیب"سەرنووسیارى بڵاوکراوەى دەزگاى ئاراس و سەرپەرشتیارى پێشانگاکە، بەم شێوەیە بۆ ڕۆژنامەکەمان دواو گوتى، ئامانج لە کردنەوەى ئەم پێشانگایە دەگەرێتەوە بۆ زۆرى فرۆشتنى کتێبەکان وە ئارەزومان کرد زیاتر هەموو بەرهەمە چاپ کراوەکان لە پێشانگایەکدا بە خوێنەرى ئاشنا بکەین بۆ ئەوەى هەر دولا سودى لێ وەربگرین، سەبارەت بەنرخى کتێبەکان بەرێز بەدران"گوتى: پێم وایە نرخەکان زۆر هەرزانە و داشکانیشى تێدا کراوە، لە سەدا چل، لەوە زیاتر بڕوابکەن دەبێت بەبەلاش و کتێب هیچ سەنگێکى نامێنێت، سەبارەت بە بەشداریکردنى دەزگاگانى تر لە پێشانگا کەدا، بەرێَز بەدران"گوتى ئێمە بڕیارمان داوە وەک دەزگاى ئاراس خۆمان بەجیا پێشانگا بکەینەوە بۆ ئەوەى خوێنەرى کتێب زیاتر لە                                                                                                                              .کتێبەکان بگەن
 

ئەبوبەکر کاروانى"ئەندامى سەرکردایەتى یەکگرتووى ئیسلامى: کردنەوەى پێشانگاى کتێب بەهەموو شێوەیەک بەباشى دەزانم، سەبارەت بەکردنەوەى ئەم پێشانگایە پێم وایە ئەمە یەکەمین پێشانگای کوردیە، دەزکا یەکى کوردى بەو داشکانە زۆرەى کتێب لە کوردستان دا هەبێت، وە هیوا دارم لەشێوەى ئەم پێشانگایە ساڵى چەند جارێک بکرێتەوە، بۆ ئەوەى قوتابیان وتوێژى کەم دەرامەت سودى لێ وەربگرن، هەرچەندە ئەمڕۆ خوێنەریش کەمە، بەداخەوە ئێمە بەشێکین لە ئەم مەنزوومە ڕۆژ هەڵاتیە، تا ئێستاکە خوێندنەوە نەبووە بە کولتوورمان، خوێندنەوەى ئێمە زیاتر بۆ وەزیفە یە و هیچیتر، بیرو بۆ چونە فکریەکان تا ئێستاکە لاى ئێمە شوێنێکى شایەستەیان نیە، پرسى خۆراک و مەعیدە تێرکردن لە پێشەوەى پرسەکانى تروەن، هۆکاری ئەمانەش دەگەرێنمەوە بۆ ئەوەى تا ئێستاکە ئەو بوارە سەقامگیرى و سیاسى وفکریەمان نەبووە سیستمێکى پەروەردەیى تۆکمە دابنێین، بتوانین خوێندنەوە بکەین

                               .بە بەشێک لە ژیانى ڕۆژانەى هاوڵاتیان لەگشت بوارێکدا، گەشبینم و سەرەتایەکى باشیش لە کوردستان بەدى دەکرێت
 

ڕۆزە عه‌‌بدوڵا " پێى وایە کردنەوەى پێشانگاى کتێب هەنگاوێکى گرنکە، ئەوەى ئەمڕۆ بەر چاو دەکەوێت لەم پێشانگایە زۆرى کتێبەکانە زۆر لەبارە و جێگاى دەست خۆشیە بۆ دەزگاى ئاراس، کە توانیویەتى ئەم پێشانگایە بکاتەوە، سەبارەت بە پێشانگا تایبەتیەکان ڕۆزە " پێى باشە هەر دەزگایەک پێشانگایەکى تایبەت بەخۆى بکاتەوە باشترە، بۆ ئەوەى کتێبەکان لەڕووى خوێنەر دا بەشێوازێکى جیاوازتر پیشان بدرێت وهەر دەزگا و دامەزراوێکى                                                                                                             .کتێبیش تایبەتمەندى خۆى هەیە

هونەر مەند. مەهدى ئومێد": کردنەوەى پێشانگا کارێکى باشە ئەگەر ئاوڕلە ڕابردوو بدەینەوە بڵاو کردنەوەى کتێبى کوردى لە بار ودۆخێکى نا هەمواردا بوو، لەوەتەى کە ئازادیمان هەیە وا تێدەگەم بەشێک لە هاوڵاتیان بە پەرۆشەوە ڕوو لە کتێب دەکەن، ئەمەش کاریگەرى باشى هەیە بۆ ڕەوشى ڕۆشنبیرى کورد، بەڵام ئەوەى من تێبینیم کردبێت ئەوکەسانەى کەبینیبێتم لەم پێشانگایە، هەمان کەسى پێشانگاکانى ترن، هیوادارم ڕاگەیاندنەکان کارێکى باش بکەن بۆ ئەوەى خوێنەر زیاتر هەبێت، بەرێز.مەهدى"پێى وایە دەزگاکانى کتێب زیاتر یارمەتى گەنجان بدەن باشترە ، هەر کەسێک دوو کتێبى کڕى کتێبێکیشى بە دیارى پێ ببەخشن، بۆ ئەوەى گەنجان زیاتر ڕوو لە کتێب خوێندنەوە بکەن، یەکێک لە پێشکەوتنەکانى میلەت بەخوێندنەوەى کتێبە، دەزکاکانى چاپ وبڵاوکەرەوە دەتوانن زیاتر یارمەتى سەنتەرە ڕۆشنبیریەکانى دەرەوەى شار بدەن هاوکاریان بکەن.

غەفور مەخمورى"پەرلەمانتار: بێگومان پێشانگاى کتێب گرنگى وتایبەت مەندى خۆى هەیە، لەبەر ئەوەى کۆمەڵێک سەرچاوەى باش دەخرێتە ڕوو، پێم وایە کتێبیش باشترین هاورێى مرۆڤە دەتوانین لەو رێگایەوە فێرى زانست و زانیارى ببین، ئەوەى من دەیبینم ئەمڕۆ ژمارەیەکى زۆر لە ڕۆشنبیران وخوێندەواران لێرە کۆبونەتەوە ئەمە خۆى لەخۆیدا ئاماژەیەکە بۆ پێشکەوتنى کوردستان، کردنەوەى ئەم پێشانگایە باشى لەوە دایە هەموو جۆرە کتێبێکى تێدایە لە مێژوی و فکرى و رۆشنبیرى گشتى، دەست خۆشیش لە دەزگاى ئاراس دەکەم بۆ کردنەوەى ئەم پێشانگایە، دەبێت ئەوە شمان لەبیر نەچێت دەزگاى ئاراس یەکێکە لە دەزگا سەرکەوتووەکانى کوردستان کە توانیویەتى لە دواى ڕاپەرینەوە تاکو ئێستاکە خزمەتێکى باشى بزافى خوێندن بکات،
شەهلا جاف"پەیامنێرى تەلەفزیۆن. سەبارەت بە نرخى کتێبەکان دەلێت: تا ئاستێک باشە بەڵام ئەگەرى ئەوە هەیە کتێبەکان زۆر مابوونەتەوە لە کتێبخانەى دەزگاکەدا بۆ یە ئێستا بەو نرخە دەیفرۆشێت، پێم باشە نرخى کتێبەکان لە کاتى بڵاوکردنەوەدا هەرزان بێت باشترە، نەک دواى ساڵێک هیچ سودێکى لێ وەرنەگرین.

شێرزاد جەبار" قوتابى شەشى زانستى : پێم وایە نرخى کتێبەکان باشە، بەڵام ئەوەى من بەدوایدا دەگەرێم وەک پێوسیت بەرچاو ناکەوێت لەم پێشانگایە، دەزگاى ئاراس زیاتر بایەخ بە کتێبى ئەدەبیات و ڕۆشنبیرى دەدات، نەک کتێبى زانستى، بەو هیوایەم لە ئایندەدا بایەخیش بە کتێبى زانستى بدرێت، بەشێک لە قوتابیان پێویستیان پێیەتى، هۆکار نەبوونى کتێبى باشە قوتابیان دەڕۆن بایەخ بە مەنزەمەى کورت کراوە دەدەن،
تریفە عەلى"قوتابى چوارى ئامادەیى، کردنەوەى ئەم پێشانگایە لەکاتى خۆیدایە، ئێمە زۆر سود لەم پێشانگایانە وەردەگرین، من هیچ تێبینیەکم لەم پێشانگایە و دەزگاى ئاراس نیە، بەڵام داواکارى من ئەوەیە لە دەزگاکانى بڵاوکردنەوەى کتێب، لێک دانەوەیەکیان هەبێت بۆ ئەو کتێبانەى لەچاپ دەدرێت، چونکە دەتوانرێت لەرێگاى کتێبەوە کۆمەڵگا بگۆڕدرێت و بەرێچکەیەکى تریدا بەرێت، بۆیە پێویستە ئاگایان لە ئەمڕۆى کۆمەڵگاى کوردى بێت، گەنجانى ئێمە بەشێکى زۆریان عەرەبى وئینگلیزى نازانن، زیاتر کتێبە کوردیەکان دەخوێننەوە.

 

s.halabjaee@yahoo.com