       |
|
هێرشی تورک و خۆ قووتکردنه‌وه‌ی چه‌پ و ئیسلامی کورد.
سه‌ردار پشتده‌ری
هه‌ر هه‌موومان ده‌زانین که هه‌رسێک ده‌وڵه‌تی عێراق و ئێران و تورکیا ده‌وڵه‌تێکی ئیسلامین و به شمشێری ئیسلام په‌لاماری کورد ده‌ده‌ن، به‌ڵام به‌داخه‌وه ده‌بینین که ئیسلامیه کورده‌کانیش له جیاتی ئه‌وه‌ی که به شمشێری ئیسلام له به‌رامبه‌ر به‌و ده‌وڵه‌ته ئیسلامیه داگیرکه‌رانه بووه‌ستنه‌وه ، له به‌رامبه‌ر هاوپه‌یمانان و ئه‌مه‌ریکا راده‌وه‌ستن و ئه‌وان به دوژمنی سه‌رسه‌ختی خۆیان ده‌زانن.
چه‌پی کوردیش که له ماوه‌ی هه‌شتا ساڵه‌ی رابردوه‌وه تاکو ئه‌مڕۆ که له خزمه‌ت چه‌پی عه‌ره‌ب و تورک فارس دابوون و له زه‌ره‌ر زیاتر سودێکیان به کێشه‌ی کورد نه‌گه‌یاندوه‌و هه‌ژارێکی کوردیان له هه‌ژاری رزگار نه‌کردوه، وا ئه‌مڕۆ له به‌رژه‌وه‌ندی کورد راست بوونه‌وه‌و هێرشه‌که‌ی تورکیا ده‌که‌نه ده‌که‌نه هاش و هووش بۆ به‌تاڵ کردنی بای زگیان دژی هاوپه‌یمانان و ئه‌مه‌ریکاو ده‌نگی نه‌ته‌وه‌یی کورد.
ئه‌ی ئیسلامی و چه‌پ و داگیر که‌رانی کوردستان، با به ده‌نگێکی به‌رزی نه‌ته‌وه‌ییه‌وه پێتان بڵێم، زۆر به خۆشیه‌وه له ژێر سایه‌ی هاوپه‌یمانان و ئه‌مه‌ریکادا، نه‌مامی کوردایه‌تی جارێکی تر شین بۆته‌وه‌و ئه‌م جاره بۆتان وشک ناکرێت، ئه‌و جوغرافیایه هه‌ڵده‌وشێنێت و جوغرافیایه‌کی تازه دروست ده‌کات، سێبه‌ره‌که‌شی کوردستانی گه‌وره فێنک ده‌کاته‌وه.
ده‌بێ ئیسلامی و چه‌پی کورد له ترس و له‌رزی داگیرکه‌رانه‌وه تاماشای کێشه‌ی کورد بکه‌ن و خۆیان نه‌خه‌نه ناو سه‌نگه‌ری داگیرکه‌رانه‌وه بۆ دژایه‌تی هاوپه‌یمانان و ئه‌مه‌ریکا له رۆژێکی وه‌ک ئه‌مڕۆدا، ئه‌وه‌تا کاک هۆشیاری مه‌لا ئه‌وره‌حمان، نوسینێکی (ئۆكتای ڤوراڵ) ی ره‌گه‌ز په‌رستی تورکی کردوه به کوردی که ده‌ڵێ: (كورده‌كان ده‌بنه مایه‌ی پارچه پارچه‌بوونی خاكی توركیا، به پێی ئه‌و نه‌خشه‌یه‌ی كۆنگریسی ئه‌مه‌ریكی كه باس له خواروی ڕۆژهه‌ڵاتی ئه‌نادۆڵ ده‌كات و به ڕه‌نگێكی جیاواز له نه‌خشه‌ی توركیا جیایكردۆته‌وه). http://www.pukraboon.com/shakr%20pukraboon%2021122007.htm ئێمه وک ده‌نگی نه‌ته‌وه‌یی له به‌رامبه‌ر هێرشی تورک و هه‌موو داگیرکه‌رێکی تورک و عه‌ره‌ب و فارس راده‌وه‌ستین و پشتیوانی ته‌واویش له هه‌ڵوێستی هاوپه‌یمانان ده‌که‌ین بۆ هه‌ڵوه‌شاندنه‌وه‌ی ئه‌و جوغرافیایه‌و یه‌کگرتنه‌وه‌ی کوردستان و دروست بوونی ده‌وڵه‌تێکی سه‌ربه‌خۆی کوردی.
له‌نده‌ن 22 – 12 – 2007
|
به
درێژی مێژوو گه‌لی کورد ته‌نها له‌و کاتانه‌دا توانیویه‌تی نه‌فه‌س هه‌ڵبکێشێ
که هێزه بیانیه‌کان هاتوونه ناوچه‌که‌و تاو له‌رزیان بۆ عه‌ره‌ب و
تورک و فارس دروست کردوه، له دوای دابه‌زینی ئه‌سکه‌نده‌ری مه‌قدۆنیه‌وه،
له جه‌نگی جیهانی یه‌که‌مدا هێزه بیانیه‌کان وه‌ک هاوپه‌یمانان هاتنه
رۆژهه‌ڵاتی ناوه‌راست و ده‌بێ بڵێین به‌داخه‌وه شێخه ئیسلامیه‌کانی
کورد له‌و سه‌رده‌مه‌دا نه‌یانزانی هه‌ڵسوکه‌وت له‌گه‌ڵ بارو دۆخه‌که‌دا
بکه‌ن و سوود له‌و هه‌لومه‌رجه وه‌ر نه‌گیرا، وا جارێکی تریش هێزه
بیانیه‌کان وه‌ک هاوپه‌یمانان هاتوونه‌وه ناوچه‌که‌و له به‌ختی کورد
هه‌وڵی گۆڕانکاری جوغرافیاو سنووره‌کان ده‌ده‌ن، به‌ڵام به‌داخه‌وه
تێکڕای حیزبه کوردیه‌کان که بناغه‌ی دروستبوونیان به تێکه‌ڵه‌ی
ئیسلامی و مارکسیه‌ت دارژاوه، به ناوی کوردایه‌تیه‌وه رێگا ناده‌ن
کورد سود له‌و ده‌رفه‌ته وه‌ر بگرێت و هه‌وڵ ده‌ده‌ن 
داگیرکه‌رانی
کوردستانیش هه‌ر رۆژه‌ی به شێوه‌یه‌ک هه‌وڵ ده‌ده‌ن پڕۆژه‌کانی هاوپه‌یمانان
تێکده‌ن و هه‌ڵی بووه‌شێننه‌وه، جارێ حیزبه کوردیه‌کان هان ده‌ده‌ن
که بڵێن کورد سه‌ربه‌خۆیی ناوێ و جارێ به‌ناوی په‌لاماردانی حیزبێکی
کوردی سنوری ئه‌و به‌شه ئازادکراوه ده‌به‌زێنن، ئیسلامیه‌کان و چه‌پی
کوردیش ئه‌و په‌لامار دانه ده‌که‌نه شمشێرێک بۆ مه‌به‌ستی بیره دژ
به ده‌نگی نه‌ته‌وه‌یه کوردیه‌‌که‌ی خۆیان و شمشێره‌که به ورگی
هاوپه‌یمانان به تایبه‌تی ئه‌مه‌ریکادا داده‌که‌ن.